Монгол Улсад Орчин цагийн хил хамгаалах байгууллага үүсч хөгжсөний 92 жилийн ой “Хилчдийн өдөр” тохиож байна. МҮОХ-оос Хил хамгаалах ерөнхий газрын харъяа Хилийн 0208-р тусгай салбар “Хилчин” спорт хороотой хамтын ажиллагааны санамж бичигт гарын үсэг зурлаа. Санамж бичгийн гол зорилго нь МҮОХ-ны түүхт 70 жилийн ойг угтаж хилчдэд олимпизмын үзэл санааг түгээн дэлгэрүүлэх юм. Мөн хилчдийн олимпын боловсролыг дээшлүүлэх түүнчлэн “Лос Анжелес-2028” олимпын наадамд оролцох Монгол Улсын баг тамирчдыг дэмжиж “Дархан хил –Олимп” аяныг Монгол Улсын хилийн анги, заставаар аялуулж, спортын төрөл бүрийн уралдаан тэмцээн зохион байгуулах зорилготой байгаа.