Засгийн газрын хуралдаанаас гарсан зарим шийдвэрийг танилцуулж байна. Энэ үеэр Аж үйлдвэр, эрдэс баялагын сайд Г.Дамдинням “Шатахууны хомсдол үүсгэсэнд ард иргэдээс уучлалт хүсье. Шатахууны хомсдлыг бүрэн шийдэж, нөөцийг гурав дахин нэмэгдүүлж чадлаа. 22:00 цагийн үед 110 шатахуун түгээх станцад шатахуун нийлүүлнэ. ОХУ-ын Эрчим хүчний сайдтай болон шатахуун импортлох компаниудын удирдлагуудтай хурал хийлээ. Шатахууны хэмжээг нэмэгдүүлэх, тасралтгүй тээвэрлэх тохиролцоонд хүрлээ. Монгол Улсын Засгийн газрын хэлэлцээр байгаа учраас ОХУ-аас бүх чадлаараа шатахуунаар хангана гэдгээ илэрхийлсэн. БНХАУ-тай 15500 тонн шатахуун авахаар тохиролцсон. Тиймээс шатахууны нийлүүлэлт хэвийн болсон. АИ-92 шатахууны хомсдол үүсгэхгүй байх тал дээр Засгийн  газар ажиллаж байгаа” гэв.