УИХ-ын С.Цэнгүүн цаг  үеийн асуудлаар мэдээлэл хийлээ. Тэрбээр "Би улс төрд олны шүүмжлэл дагуулсан гал атгасан сэдвүүдийг барьж явна гэж гарч ирсэн. Өчигдөр ГБХНХ-ын сайд Т.Аубакир хүүхдийн мөнгөний асуудлыг хөндөж байсан. Би хүүхдийн мөнгийг бэлэн мөнгө хэлбэрээр өгч байгааг шүүмжилэхэд олон нийтийн шүүмжлэл дагуулсан. Үндсэндээ 2020 онд цар тахал ковидтой холбоотой хүүхдийн 20 мянган төгрөгийг 100 мянган төгрөг болгосон. Ингээд 547 тэрбум төгрөг гаргасан. Мөн 1.1 их наяд төгрөгийг Эрдэнэс Тавантолгойн ногдол ашиг гэж таарсан. Улмаар 2024 онд Шинэ хоршоо хөтөлбөрөөр төрийн алба хаагчдын хөдөө ажиллуулах нөхцлөөр 842 тэрбум төгрөгийн зээл олгосон.

Үүний эргэн төлөлт нь 38 тэрбум буюу эргэн төлөлтгүй байна. Ингээд МАН бас Их хуралд олонх болсон. Иргэд сэтгүүлчид яагаад сонгуулийн өмнө бэлэн мөнгө тараагаад байгаа вэ гэдгийг харж, дүгнэлт хийх цаг болсон байна. Одоо асуудал яагаад хүндрээд багш ажилчдын цалинг нэмж чадахгүй байгааг хараасай. Гэтэл бэлэн мөнгө тарааснаас болоод хэрэглээний зардал өссөн. Цалин нэмсэн ч бодит үр дүн гарахгүй гэдгийг эдийн засагчид хэлж байна. Сонгууль дагасан бэлэн мөнгөний улс төр байна. Эцэст нь энэ сандал суудалны төлөөх тэмцэл, нүүрсний хулгай, гоё нэртээ сангуудыг хэрхэн тонон дээрэмдсэн талаарх асуудал л үүснэ. Өнөөдөр бид иргэдийн саналтай санал нийлж, хүлээж авч байна. УИХ-ын гишүүн Ч.Лодойсамбуу, Бямбасүрэн нарын гурван гишүүн нийлж, 1.2 их наяд төгрөгийг хасах санал өгсөн. Хүүхдийн мөнгөнд 1.5 их наяд улсын төсөвт суусан. Хүүхдийн мөнгөнд гар хүрэхгүй 1.2 их наядыг танах асуудал Байнгын хороон дээр унасан. Одоо чуулган дээр оруулжболохоор байгаа. 1.2 их наядын 600 тэрбум төгрөг нь Шинэ хоршоо хөтөлбөр байгаа. Үүнийг хасах санал оруулж байна" гэлээ.