Төрийн байгуулалтын байнгын хорооны дарга Ц.Сандаг-Очир мэдээлэл өглөө. Тэрбээр "Өглөө хурал эхлэхээс авахуулаад бүх асуудал тодорхой байсан учраас бид бүхэн үдээс хойших хуралдааныг орхиж гарсныг та бүхэн мэдэж байгаа. Өглөө хуралдаан дээр олон асуудлыг тавьсан, асуудлыг огт авч хэлэлцээгүй. Цэцийн суудлын хуралдаан ил тод нээлттэй болох ёстой. Сэтгүүлчдийг мэдээллээр хангахгүй байсан, хаалттай явагдсан. Хуралдаан даргалагчийг, маргаан хянан шийдвэрлэж байгаа цэцийн гишүүнээр татгалзах асуудлыг тавьсан, энэ асуудлыг огт хүлээж аваагүй. Маш том практик гэдэг юм уу жишиг тогтсон. Энэ бол Х.Булгантуяа гишүүнийг өмгөөллөөр хангах асуудлыг авч хэлэлцээгүй. Үүнийг хуульчид их шүүмжилж байгаа. УИХ-ын гишүүд хууль зөрчсөн хуралдаанд оролцож болохгүй гэдэг заалтынхаа хүрээнд татгалзаж гарсан. Цаашид ямар процесс яаж явахыг сайн мэдэхгүй байна. Төрийн байгуулалтын байнгын хороог хуралдуулж, Ерөнхийлөгчийн хоригийг хэлэлцэх асуудлыг УИХ-ын даргын дэргэдэх зөвлөлөөр дэмжлээ. Засгийн газрыг огцруулах бичиг барих боломж хууль зүйн талаасаа бий. Гэхдээ энэ асуудал Ардчилсан намаас хамаарна" гэв.