Ерөнхий сайд Г.Занданшатар Үндсэн хуулийн цэцэд хандаж, УИХ-ын дэд дарга Х.Булгантуяагийн үйл ажиллагаа, Ерөнхий сайдыг огцруулах асуудлыг хэлэлцсэн аравдугаар сарын 17-ны чуулганы нэгдсэн хуралдаан болон уг хуралдаанаас гарсан Ерөнхий сайдыг огцруулах тухай Улсын Их Хурлын тогтоол нь Монгол Улсын Үндсэн хууль зөрчсөн эсэхийг тогтоолгохоор хүсэлт өгсөн. Энэ үеэр УИХ-ын гишүүн Г.Тэмүүлэн "Бэлтгэл ажлыг хангаагүй асуудлаар ҮХЦ-ийн хуралдааныг хойшлуулж өгөөч" гэв.

    Харин ҮХЦ-ийн дарга Г.Баясгалан "Ямар зорилгоор хуралдааныг хойшлуулах хүсэлтэй байгаагаа хэлсэнгүй. Хуралдааны өмнө маш их юм явсан шүү. Цэцэд хууль бусаар нөлөөлөх гэдэг зүйл рүү явах магадлалтай боловч бид төрийн өмнө хүлээсэн үүрэгтэй. Хэрэв энэ асуудлыг хүндрүүлвэл асуудалтай" гэлээ.