Боловсролын сайд П.Наранбаяр мэдээлэл өглөө. Тэрбээр "Өнөөдөр нийслэлийн хэмжээнд боловсролын салбарын 31 хувь нь ажил хаясан байдалтай байна. Хүүхдийн аюулгүй байдлыг хангах, сургалтын чанарыг бууруулахгүй байх шаардлагатай. Монголын Боловсролын Үйлдвэрчний эвлэлийн холбоонд бид анхнаасаа л хэлж байсан. Эхний ээлжид төсөвтөө 100 тэрбум төгрөгөө тусгаж чадлаа. Засгийн газрын өнгөрсөн долоо хоногийн хуралдаанаарУИХ-ын Ажлын хэсэг байгуулагдмагц нийтдээ 510 тэрбум төгрөгөөр цалинг нэмэх боломж бий болголоо. Энэ бол үндсэн цалинг 20 хувь өсгөх боломжтой. Өнөөдрийн эдийн засгийн боломж ийм байна гэдгийг Үйлдвэрчний эвлэлд хэлсээр ирсэн. Түүнээс багш нарын хэлж байгаа шиг шууд 3.5 сая болгох боломж байхгүй. Харин 3.5 саяд хүргэхээр боломжийг нь харж, төлөвлөгөөтэй ажиллах ёстой" гэв.