УИХ-ын чуулганы хуралдаан болж байна. Энэ үеэр УИХ-ын гишүүн Э.Болормаа "Ерөнхий сайд, Засгийн газрын гишүүд та бүхэн сайхан амарсан уу. Өчигдөр үнэхээр гутмаар байлаа. Албан тушаалаасаа буух гэснээсээ үхтлээ айсан, ямар нэгэн ашиг сонирхлын нэгдмэл байдалтай, дарамт, шантаачинд өртсөн, өргөсөн тангаргийнхаа дагуу үүргээ гүйцэтгэх чадамжгүй болсон гишүүд өчигдөр чуулганы хуралдаанд орж ирж чадсангүй. Би өөрийн намын ах нартаа ч, сөрөг хүчиндээ ч гутаж байна. Парламентын засаглалыг хамгаалахын тулд сөрөг хүчин хүчтэй зогсох болов уу гэсэн чинь дарамтанд өртчихсөн, ашиг сонирхол нэгдчихсэн орж ирэхгүй сууж байгаа хүмүүс байна. Үнэт зүйлээрээ байсан бол өөр хэрэг. Бид энд Монгол Улсынхаа төлөө шийдвэр гаргах ёстой. Түүнийхээ төлөө үүрэг гүйцэтгэж байгаа. Ямар азаар харин үнэхээр 126 гишүүнтэй болсон юм бэ, өмнө нь 76 гишүүнтэй байхдаа ямар байсан юм бол гэдэг бодол их төрж байна. Олон нийт шөнөжин харсан байх. Гэхдээ одоо бид үүнийг засаад, сайжруулаад явна гэдэгт итгэлтэй байна. Хурлыг удирдаж байгаа Х.Булгантуяа даргад баярлалаа. Энэ хүмүүс шөнөжин унтахгүй байж байгаад өглөө ирээд ганц эмэгтэй хүн рүү дайръя гэж шийдсэн юм шиг байна. Одоо хурдан санал хураалтдаа ороод, шийдэх ёстой асуудал руугаа орьё" гэв.