• Өнөөдөр 2021-06-22

Ванесса Брайант: Чамайгаа үүрд мөнх хайрлах болно

2021-05-22,   3074

Өнгөрсөн бямба гарагт Кобе Брайантийн эхнэр Ванесса Брайнт сагсан бөмбөгийн алдрын танхимд нөхөртөө хандан үг хэлсэн нь олны сэтгэлд хүрээд буй. Ванесса Брайантын Алдрын танхимд хэлсэн үгийг хөрвүүлэн хүргэж байна.

“Хэрэв миний нөхөр өнөө орой энд байсан бол урам зориг хайрласан, алдрын танхимд зогсож байх боломжийг олгосон хүмүүс талархлын уртаа гэгчийн жагсаалт гаргах байсан. “Гэр бүл, найз нөхөд, зөвлөгч, багийн Лейкерс багийн гишүүд, шүтээн болон өрсөлдөгч нартаа” гээд.

Гэвч тэр минь энд байхгүй гэдэг олон хатуу үнэний нэг юм. Би зөвхөн баярлалаа гэж хэлж чадна. Түүнийг энэ алдрыг авахад тусалсан бүх хүнд түүний өмнөөс баярлалаа гэж хэлье.

Би нөхрөө олон нийтийн газар магтахаас үргэлж зайлсхийдэг байсан. Учир нь тэрээр шүтэн бишрэгчдээсээ үргэлж магтаал сонсдог тул хэн нэгэн түүнийг бодит амьдралд нь буулгадаг байх хэрэгтэй санагдсан юм.

Яг одоо би түүнийг олон түмний өмнө магтах гэж байгаа тул тэрээр намайг хараад инээж байгаа гэж итгэж байна. Би түүнийг одоо харж байна.

Хүмүүс үүнийг тэр бүр мэдэхгүй л дээ. Нөхөр маань маш их гэмтэл авсан ч, хичнээн зовууртай байсан ч тоглосоор байдаг. Тэр маань бага байхдаа аавтайгаа хамт цэнгэлдэхийн хамгийн арын суудал дээр дуртай тоглогчийнхоо тоглолтыг үзэх гээд сууж байснаа дурсдаг байсан. Зүгээр л цэнгэлдэхэд тоглолт үзэх болсондоо л баярладаг байлаа. Тийм л учраас, Коби шүтэн бишрэгчдээ гомдохыг хүсдэггүй байсан. Ялангуяа түүний тоглолтыг үзэх гээд мөнгө цуглуулдаг, цэнгэлдэхэд тоглолт үзэх гэж догдолдог байсан хүүхдүүдийн урмыг хугалахыг тэр хүсдэггүй байлаа. Би нэг удаа түүнээс гэмтэлтэй байж, тоглолтод оролцохгүй яагаад амарч болдоггүй юм бэ гэхэд “Миний ганцхан тоглолтыг үзэх гэж мөнгөө цуглуулдаг фэнүүдийг яах юм бэ?" гэсэн. Тэр үнэхээр фэнүүдээ мартаж байсан удаагүй.  Тэр боломжтой л бол тоглолтын минут бүрт талбайд байхыг хүсдэг байсан. Тэр фэнүүддээ маш их хайртай байсан.

Хүндэт Коби минь,

 Хамгийн сайн аав, хамгийн сайн нөхөр байсанд чинь баярлалаа. Үргэлж алдаанаасаа суралцаж, өөрийгөө хөгжүүлдэг байсанд чинь баярлалаа. Үргэлж илүү байхыг хичээдэг байсанд чинь баярлалаа. Хэзээ ч бууж өгөөгүйд чинь баярлалаа. Шаргуу хөдөлмөрлөсөнд чинь баярлалаа. Гэр бүл болон охиддоо баярлалаа. Биднийг тэжээх гэж эцэж, цуцашгүй хөдөлмөрлөж, гайхалтай амьдрал бэлэглэсэнд баярлалаа. Өглөө 04.00 цагт босож,  бэлтгэл хийгээд өглөөний мэнд гэж намайг үнсээд, охидоо сургуульд нь хүргэж өгдөг байсанд чинь баярлалаа. Цаг наргүй байсан ч хэзээ ч төрсөн өдрийн баяр, бүжгийн концерт, сургуулийн шагнал гардуулах ёслол, охидынхоо оролцсон тоглолт, шоуг тасалж байгаагүйд баярлалаа.

Гэр бүлээ нэн тэргүүнд тавьдаг байсанд чинь баярлалаа.  Эцсээ хүртэл намайг хайрласанд чинь баярлалаа. Хэдэн ч удаа дахин амьдарсан би чамайг л сонгоно

Том охид болох Наталиа, Жианна нартаа хандаж хэлэхэд, аавдаа хамгийн шилдэг нь болоход тусалж, аавтайгаа өнгөрүүлэх хугацаагаа золиосолсонд баярлалаа. Бага охид болох Бианка, Капри нартаа хэлэхэд, та нарыг өнөөдөр үүнийг харж байгаад баяртай байна. Аав нь гайхалтай хүн байсан шүү. Охидынхоо юу юунаасаа илүү хайртай байсан. Эцэст нь, хонгор минь, чамдаа баяр хүргэе. Чиний нөр их хөдөлмөр, гаргасан золиос бүхэнд чинь баяр хүргэе. Чи надад “Хэн нэгэн дээр мөрий тавих хэрэг гарвал өөр дээрээ тавина” гэж хэлж байсан. Тэгвэл чи мөрийгөө авч чадлаа. Чи чадлаа. Чи алдрын танхимд элсэж чадлаа. Чи бол жинхэнэ аварга. Чи зүгээр нэг MVP биш. Чи бол бүх цаг үеийн хамгийн агуу нь. Чамаараа бахархаж байна. Чамайгаа үүрд, үргэлж мөнх хайрлах болно, Коби Брайант.


Ванесса Брайант: Чамайгаа үүрд мөнх хайрлах болно
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 7
  • Сэтгэгдэл үлдээсэн: 2021-05-25 13:40:18
    Шүтэн бишрэгч: Уйлан барин уншлаа агуй хүн шүү
  • Сэтгэгдэл үлдээсэн: 2021-05-25 13:40:18
    Шүтэн бишрэгч: Уйлан барин уншлаа агуй хүн шүү
  • Сэтгэгдэл үлдээсэн: 2021-05-25 13:40:17
    Шүтэн бишрэгч: Уйлан барин уншлаа агуй хүн шүү
  • Сэтгэгдэл үлдээсэн: 2021-05-25 13:40:17
    Шүтэн бишрэгч: Уйлан барин уншлаа агуй хүн шүү
  • Сэтгэгдэл үлдээсэн: 2021-05-25 13:40:16
    Шүтэн бишрэгч: Уйлан барин уншлаа агуй хүн шүү
  • Сэтгэгдэл үлдээсэн: 2021-05-25 13:40:16
    Шүтэн бишрэгч: Уйлан барин уншлаа агуй хүн шүү
  • Сэтгэгдэл үлдээсэн: 2021-05-24 23:28:48
    зоос: гоё хэлсэн байна үнэндээ л домог байсандаа харамсалтай
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414