Ерөнхий боловсролын сургуулийн суралцагчдад хөл бөмбөгийн спортыг таниулах, сурталчлах, тэдний бие бялдрын болон сэтгэл зүйн хөгжлийг дэмжих, хөл бөмбөгөөр хичээллэх сонирхлыг нэмэгдүүлэх зорилгоор Баянгол дүүргийн Засаг даргын нэрэмжит “Мөрөөдлийн гоол” хөл бөмбөгийн аварга шалгаруулах тэмцээн боллоо. Тэмцээнийг Баянгол дүүрэг болон БГД-ийн Хүүхэд, гэр бүлийн хөгжил, хамгааллын хэлтэс хамтран 2026 оны аравдугаар сарын 8-11-ний өдрүүдэд зохион байгууллаа.

     Тэмцээний нээлт 2026 оны аравдугаар сарын 10-ны өдөр болж нээлтэд Баянгол дүүргийн Засаг дарга Ө. Сумъяабаатар, Биеийн тамир, спортын хорооны дарга Э. Билэгт, Баянгол дүүргийн Засаг даргын орлогч Д. Мөнхбаатар, Биеийн тамир, спортын хорооны дарга Г. Батбаяр, “Оюуны-Ундраа” ахлах сургуулийн захирал С. Нэргүйдаваа, 22-р сургуулийн захирал Д. Лхамсүрэн нар оролцлоо.Тэмцээн “Оюуны-Ундраа” ахлах сургуулийн гаднах хөл бөмбөгийн талбайд эрэгтэй, эмэгтэй 11 нас, 13 нас, 15 нас, 17 нас гэсэн найман насны ангиллаар нийтдээ 12 сургуулийн 44 багийн 528 хүүхэд тус тус оролцож өндрөллөө.