Өмнөговь аймгийн Цогтцэций сумын хог хаягдлын менежментийг сайжруулах, төвлөрсөн хогийн цэгийн үйл ажиллагааг боловсронгуй болгох зорилгоор 30 тоннын хог нягтруулагч машиныг хүлээн авч, ашиглалтад орууллаа. Тус техникийг “Синомач-Хай Интернэшнл Экүйпмент” ХХК нийлүүлсэн байна. Хог хаягдлыг нягтруулах, хогийн цэгийн талбайн ашиглалтыг нэмэгдүүлэх, үйл ажиллагааны үр ашгийг дээшлүүлэхэд ашиглана. Энэхүү ажил нь “Хөрөнгө оруулалт, бүтээн байгуулалт–2026”-ын хүрээнд хэрэгжиж, сумын хог хаягдлын менежментийн техник, тоног төхөөрөмжийн хүчин чадлыг нэмэгдүүлэхэд чиглэж байгаа юм.