Эргэлт.мн мэдээллийн сайт “Тэд бидний тухай” буландаа олон улсын хэвлэл мэдээллийн сайт, агентлагуудад Монгол Улсын тухай бичсэн нийтлэлийг хөрвүүлэн хүргэдэг. Тэгвэл энэ удаагийн дугаартаа Ерөнхийлөгч У.Хүрэлсүхийн Францад хийж буй төрийн айлчлалтай холбоотойгоор “20 minutes” сайтын нийтлэлийг хөрвүүлэн хүргэж байна.

-МОНГОЛЫН ФРАНЦ РУУ НИЙЛҮҮЛЭХ ХОВОР БӨГӨӨД ЧУХАЛ БАЙГАЛИЙН БАЯЛГУУД-

Франц дипломат харилцаагаа улам өргөжүүлж байна. Дипломат харилцаагаа өргөжүүлж, бэхжүүлж буй ээлжит нэгэн орон нь Монгол Улс. Үүний хүрээнд Монголын Ерөнхийлөгч У.Хүрэлсүх өнгөрсөн мягмар гаргаас Францад төрийн айлчлал хийж байгаа бөгөөд тус айлчлал нь хоёр орны эрчим хүч, уран ашиглалтын салбарт чухал нөлөө үзүүлэхийг онцолж байна.

Өнгөрсөн тавдугаар сард Франц Улсын Ерөнхийлөгч Эммануэл Макрон Монголд айлчилсан. Барууны сонирхол төвлөрч байгаа Монголын хувьд ОХУ, БНХАУ гэсэн хоёр хөрштэйгөө сайн харилцаатай бөгөөд дэлхийн бусад оронтой ч нягт холбоо тогтоох баримтлалтай “гуравдагч хөрш”-ийн бодлогыг хэрэгжүүлдэг.

                           Монгол, Францын хоёр төрийн тэргүүн өнөөдөр Елисейн ордонд Францын цөмийн “Орано групп”-ийн ашиглахаар зорьж буй Монголын ураны баялаг ордуудын талаарх чухал хэлэлцээ хийнэ. “Орано групп” нь хэдийнэ Монголд томоохон төсөл хэрэгжүүлж эхлээд буй бөгөөд хоёр орон “Орано”-гийн тэрбум гаруй еврогоор үнэлэгдэж буй төсөл, түүний стратегийн бие даасан байдлыг бэхжүүлэхэд анхаарах талаар эх сурвалж мэдээлж байна. Францын гүйцэтгэх засаг захиргаа эрчим хүчний шилжилтэд зайлшгүй шаардлагатай ховор элемент, чухал металлаа Монголоос татах тухай асуудлыг хоёр төрийн тэргүүний уулзалтын хүрээнд ярилцаж, хамтарсан хэлэлцээнд гарын үсэг зурах аж.