АНУ-д өнгөрсөн сард зэвсэгт этгээд гэмгүй иргэд руу дайрсан хэд хэдэн тохиолдол гарсан билээ. Тэгвэл Ерөнхийлөгч Жо Байден хуулийн цоорхойг арилгаж, галт зэвсгийн хүчирхийллийн эсрэг арга хэмжээ авахаа амласан юм.

АНУ-д нэг өдөр 316 орчим хүн галт зэвсгийн халдлагад өртөж, 100 гаруй хүн амиа алддаг гэсэн үзүүлэлт гарчээ. Үүнээс үүдэн АНУ-д галт зэвсгийн хүчирхийллийн улмаас жилд 280 гаруй тэрбум ам. долларын хохирол үзүүлдэг гэсэн судалгаа гарчээ.

Уг алхам нь үндсэн хуульд өөрчлөлт оруулахгүй ч, шинэ нэмэлт заалт оруулж өгнө гэжээ. Үүнд буу худалдаж авах журмыг чангатгах бөгөөд бууг сериал дугаартай болгож, худалдаж авах нөхцөлийг чангатгана гэдгээ мэдэгджээ.