Үндэсний статистикийн хорооны орон сууны үнийн мэдээллээр өнгөрсөн тавдугаар сарын байдлаар Улаанбаатар хотод орон сууцны үнэ 11.9 хувиар өсжээ. Тодруулбал, нийслэлд шинэ орон сууцны ам метр талбайн дундаж үнэ 4.02 сая болсон нь өнгөрсөн оны мөн үеэс 11.9 хувь, өмнөх сараас 1.3 хувиар өссөн үзүүлэлттэй гарсан байна.

Ташрамд дурдахад, Баянгол болон Хан-Уул дүүрэгт орон сууцны үнэ хамгийн өндөр буюу ам метр талбай нь 4.17 сая төгрөгийн үнэтэй байгаа бөгөөд хуучин орон сууц хамгийн үнэтэй байгаа нь Сүхбаатар дүүрэгт ам метр талбайн дундаж үнэ 4.62 сая төгрөг байна. Мөн шинэ болон хуучин орон сууцны үнийн өсөлтийг задалбал, нийслэлд хуучин орон сууцны үнэ 14.7 хувь, шинэ орон сууц 7.3 хувиар өсжээ.