Дэлхийд ганцхан дээлтэй наадам, дэлгэр сайхан эхэлж байна. Туурга, тусгаар улсын бэлэгдэл болсон Үндэсний их баяр наадмын өнгөөрөө бид улс орныхоо тэр жилийн хэтийн зорилгыг тольддог бичигдээгүй хууль үйлчилж эхэлсэн. Тиймдээ жил жилийн наадмыг өргөн дэлгэр тэмдэглэж ирсэн уламжлалтай.

         Монголын төрд авлига албан тушаалын хэрэгт эргэлт хийж, тогтолцооны шинэчлэлд ч шинэ хуудас нээв. Өөрөөр хэлбэл, Үндсэн хуульд өөрчлөлт хийж, гишүүдийн тоог нэмэх, сонгуулийн тогтолцоонд өөрчлөлт оруулсан нь 30 жилийн хугацаанд жилийн хугацаанд улс төрийн тогтолцоонд хийсэн том алхам байв.

      Ингэхдээ Үндсэн хуулийн нэмэлт, өөрчлөлтөөр УИХ-ын гишүүдийн тоог 126 болгон нэмэгдүүлж, сонгуулийг холимог тогтолцоогоор явууллаа. Ингэснээр олон жил шүүмжлэлд өртсөн төрийн эрхийг баригч хоёр том нам улс төрийн шинэ тоглолтоор тоглох нь тодорхой болсон юм. УИХ-ын сонгуулийг  бүсчилсэн тойргоор буюу 78 гишүүнийг тойргоос, 48 гишүүнийг жагсаалтаар сонгож, парламентын түүхэнд анх удаа таван нам суудалтай болов. Өнгөрсөн найман жилийн хугацаанд нэг нам дангаараа үнэмлэхүй олонхооро засаглаж байсан бол энэ удаагийн сонгуулийн үр дүнгээр салбар салбарын төлөөлөл сонгогдож, ард түмэнд УИХ, Засгийн газрын үйл ажиллагаанд хяналт тавих боломж бүрдсэн гэдгийг улс төрийн хүрээнийхэн судлаачид онцолсон. Хэдийгээр УИХ-д суудалтай гурван нам хамтарсан Засгийн газар байгуулах шийдэлд хүрсэн ч энэ нь томоохон төсөл хөтөлбөрүүдээ саадгүй явуулахад том давуу тал болно хэмээн олзуурах хүноон байна.

           Энэ бол монголчуудын хувьд эдийн засгаа сэргээх чухал алхам. Хэдийгээр манай улс төрд үүрлэсэн авлига, хээл хахуультай тэмцэх тэмцлээ эхлүүлэх олон шийдэл гарч, гаргалгааг ярьсан ч, энэ асуудлаа шийдэж болох арга замыг олсон эдийн засгаа сэргээх, хэтийн зорилготой ажиллах зайлшгүй шаардлага үүсээд байв. Харин энэ удаагийн “Монгол Улсын эдийн засгийн форум-2024”-ийг хийж, дэлхийн хөрөнгө оруулагчид хаалгаа нээснээр эдийн засагт шинэчлэл хийх том хувь нэмэр болж байна. Тиймдээ ч энэ удаад Монголын эдийн засагт шинэ салхий сэвэлзлээ.

    Монгол Улсын эдийн засагт шинэчлэл хийхээс гадна өнгөрсөн хугацаанд бид олон жил төрд бугшсан авлига, хээл хахуультай тэмцэх шинэ алхамыг эхлүүлэв. Тухайлбал,  Хөгжлийн банкны найдваргүй зээлдэгч нарыг олон нийтэд нээлттэй зарлаж, тус банканд үүрлэсэн булхай, луйврыг илчлэх том эхлэлийг тавьлаа. Цаашлаад Хөгжлийн банкны зээлдэгч нарын дунд нийтийн нээлттэй сонсгол зохион байгуулж, олон нийтэд нээлттэй шүүн тунгаах боломж олдов.

      Авлигатай тэмцэх, улс төрд үүрлэсэн том гэмт хэргийг илчлэх дараагийн том алхам нь Нүүрсний хулгайн хэргийг олны дунд илчилж, улс төрд үүрлэсэн том хэрэгт бөмбөг тэслэв. Улсын эдийн засгийг цөөн хэдхэн хүн зашиж байсан том хэргийг илрүүлэх эхлэлийг тавьсан нь нүүрсний хулгай гэх тодотголтой шинэ хэрэг байв. Уг асуудлыг олон нитйин дунд нээлттэй сонсгол байдлаар танилцуулж, нууцын зэрэглэлд байсан оффтейк гэрээнүүдийг ч ил болгох. Нүүрсний хулгайн хэрэг илчлэгдснээр эдийн засагт экпортын хэмжээ нэмэгдэх, эдийн засаг сэргэхэд чухал нөлөө үзүүлсэн билээ.

         Засаглал сайжрахын хэрээр байгалийн үр өгөөжөөс хүртэх үүд хаалга ард түмний өмнө нээлттэй болох ажлуудыг энэ Засгийн газар эхлүүлсэн. Хамгийн сүүлд гэхэд л Монгол Улс Үндэсний баялагийн сангийн хуультай болж, Үндсэн хуулиар олгогдсон байгалийн баялагийг тэгш хүртэх эрхээ бүх нийтээрээ эдлэх боломжтой болсон. Тодруулбал, Үндэсний баялагийн сангийн хуулиар стратегийн ордуудын 34 хувийг Баялагийн санд хуримтлуулах олон жил ярьсныг ажил хэрэг болгож, эрх зүйн орчинг бүрдүүлж өгсөн.

        Хуулийн хэрэгжилт дээр ард түмэн хяналтаа сайн тавьж, зөв замаар хэрэгжүүлж чадвал Монголын ирээдүйд мөн ч хэрэгтэй хуулийг тэд санаачлан батлуулсан даа.  Түүний хамгийн ойрын жишээг авч үзвэл Засгийн газрын шийдвэрээр “Эрдэнэт” үйлдвэрийн овоолгыг 100 хувь төр мэдэлдээ авч олон жил хаягдал хэмээн хэдхэн хүний халаасыг түнтийлгэж байсан асуудлыг таслан  зогсоосон. Өөрөөр бол, Засгийн газраас “Ачит Ихт” компанийн 34 хувийг төр авах найман жилийн хугацаанд олсон ашгийн 34 хувийг нөхөн төлүүлэх цаашид Эрдэнэтийн овоолго 100 хувь "Эрдэнэт үйлдэр" ТӨҮГ-ын өмч байхаар шийдвэр гаргаад буй.

       Засгийн газар 20 минутын стандарт хотыг бий болгох эрх зүйн орчинг бүрдүүлэхээс гадна тусгай яамтай болж байгаа юм байна. Сүүлийн хэдэн жил нийслэлчүүдийн толгойны өвчин болсон утаа, түгжрэл агаарын бохирдлыг нэг мөр шийдэх боломж ч байж мэдэх юм аа. Хуулийн төсөлд тусгаснаар Улаанбаатар хотоос гадна Хөшигийн хөндий буюу Шинэ зуун мод хот, Шинэ Хархорум, Дархан, Эрдэнэт, Багануур, Налайхыг улсын зэрэглэлтэй хот болгон хөгжүүлэх, цаашид бүс бүхэн, боомт бүр улсын зэрэглэлтэй хоттой болох эрхзүйн боломж бүрдүүлэх нь. Улаанбаатар хотыг дараах 14 хотод хуваан бие даан хөгжүүлэхээр болсноо зарлаад буй. Үүнд Хан-Уул хот, Яармаг хот, Буянт-Ухаа хот, Сонгинохайрхан хот, Толгойт хот, Баянхошуу хот, Өнөр хот, Баянгол хот, Чингэлтэй хот, Сэлбэ хот, Сүхбаатар хот, Дарь-Эх хот, Баянзүрх хот, Амгалан хот хэмээн нэрлэж, иргэн бүр төрийн үйлчилгээг 20 минут дотор авахаар их өгөгдөлд тулгуурласан цахим төлөвлөлт бүхий нэгдсэн стандарт тогтоох санаачлага гаргаад буй. Мөн Бага тойруугийн төвлөрсөн эрх мэдлийг задлахын тулд Засгийн газрын харьяа байгууллагуудыг Хөшигийн хөндийд шилжүүлэн байршуулахаар төлөвлөсөн. Бага тойруугаас-Хөшигийн хөндийг Дүүжин гүүр болон туннелээр шууд холбож 20 минутийн дотор Төрийн ордны Чингисийн хөшөөнөөс Чингис хаан нисэх онгоцны буудалд шууд очдог байх боломжийг ч бүрдүүлэхээ мэдэгдээд байгаа юм. Ямартай ч Засгийн газар Улаанбаатарын утаа түгжрэлийг бууруулах арга зам хайж, туршлага судалж, ийм шийдэл олоод байгаа юм байна.

    Ийн улс төр, эдийн засаг, урлаг соёл, нийгмийн хувьд ололт амжилттай цаг үеийг туулж байна, Монгол Улс. Ололт амжилт дүүрэн энэ цаг хугацаанд ард олон минь дэлгэр сайхан наадаарай. Төрөө төвшитгөж, түмнээ цэнгүүлсэн тусгаар тогтнолын бэлгэдэл монгол наадам эхэллээ