Монголын таэквондогийн холбооны удирдах зөвлөлийн шинэ гишүүнээр Монголын таэквондогийн анхдагч шилдэг тамирчдын нэг Монгол Улсын долоон удаагийн аварга Д.Галбаяр сонгогдож, дэд ерөнхийлөгчөөр томилогдлоо.  Тэрбээр “Аливаа спортод сахилга бат, бие биеэ хүлээн зөвшөөрөх, нэгдсэн удирдлага зохион байгуулалттай байх нь чухал” гэдгийг тэмдэглээд спортын хөгжлийн төлөө хамтдаа зүтгэж , бүх талаар дэмжиж ажиллахаа илэрхийллээ.

       Монголын таэквондогийн холбооны дэд ерөнхийлөгч Д.Галбаяр  Монголын таэквондогийн холбооны ууган клубүүдийн нэг “Мустанг” клубийн шилдэг тамирчин юм. Монгол Улсын аварга, ШУТИС-ийн Барилга, Архитектурын сургуулийн дэд захирал Ж.Амарбаяр Монголын таэквондогийн холбооны удирдах зөвлөлийн гишүүд, болон Үндэсний шигшээ багийн тамирчидтай хамтарсан бэлтгэл хийж цаашид Монголын таэквондогийн холбооны гадаад харилцааг өргөжүүлэх, спортын хөгжлийг шинэ түвшинд хүргэхийн төлөө хамтран ажиллахаа илэрхийллээ.