“OI” интертайнментийн жүжигчид кино урлагийн салбарт цахиур хагалж эхэллээ. Тэд жаргал, зовлон, уйтгар, гуниг, алдаа, оноо, хүсэл, мөрөөдөл бүхнээ эн тэнцүү хуваалцаж, нэг хүн шиг баг болж ажиллаж чадаж байгааг тэдний уран бүтээлүүдийг үзэж, сонирхсон хэн бүхэн мэдэх биз ээ. Тэдний хүсэл мөрөөдөл, сайн уран бүтээл хийх итгэл найдвар, чадал чансаа энд хүрээд өндөрлөхгүй нь лавтай. Хамгийн гол нь тэд хүсэл мөрөөдөл, итгэл, сэтгэлээрээ нэгдэж чадсан авьяаслаг, мэдрэмжтэй залуучууд учир Монголын кино урлагийн салбар болоод өөрсдийнхөө нэр хүндийг дэлхийн тавцанд тун удахгүй цуурайтуулан, алдаршуулна хэмээн үзэгч, уншигчид тэсэн ядан, алга ташиж, уухайлж, хүлээж суугаа болов уу. Ийнхүү эрч хүчтэй, хийсэн бүтээсэн ажилтай, бүр ч илүү хол "давхих" хүсэл мөрөөдөлтэй уран бүтээлчдийн талаар сонирхуулж байна.

Т.НЯМДОРЖ: Бодол хүрсэн газар чадал хүрдэг

Овог, нэр: Тэрбишийн Нямдорж

Төрсөн он, сар: 1990 оны хоёрдугаар сарын 23-нд төрсөн

Төгссөн сургууль: Дорнод аймгийн Хэрлэн сумын ЕБС, 2012 онд СУИС

Багийн мөрөөдөл:  2008 онд ОУ-ын “Найрамдал” зуслангийн харшийн сүлд модны наадамд оролцсоноос хойш жүжигчин болох мөрөөдөлтэй болсон.

 Чөлөөт цагаараа хийдэг зүйл: Чөлөөт цагаа ажил дээрээ өнгөрүүлж, мэргэжлийнхээ хүрээнд өөрийгөө хөгжүүлэхэд анхаардаг

Өөрийгөө илэрхийлбэл: Төлөв даруу, шударга

Хамгийн сүүлд уншсан ном: “Цойлогсод”

Хоч: Байхгүй, зарим хүн царайлаг аа гэж дууддаг

Хэлэх дуртай үг: Бодол хүрсэн газар чадал хүрдэг

Жүжигчнээр ажиллахад: Маш хэцүү байна.

Ирээдүйн зорилго, мөрөөдөл: Том, том юм л боддог доо

Дуртай хоол: Цуйван

Дуртай улирал: Зун

Сонсох дуртай дуу: Маш их бий

Залуучуудад юу уриалах вэ: Өглөө эрт босоорой

Дүр бүтээхийн тулд: Өөрийгөө янз бүрээр туршиж байна

Бусдаас ялгарахын тулд: Би дэлхийд цор ганц

Таны эмзэглэдэг зүйл: Асуудалгүй амьдрал гэж байхгүй

Г.АЛТАНДУУЛГА: Дэлхийд алдартай кино хийх мөрөөдөлтэй

Овог, нэр: Гантулгын Алтандуулга

Төрсөн он, сар: Увс аймгийн Ховд суманд 1990 оны арванхоёрдугаар сарын 2-нд төрсөн

Багийн мөрөөдөл: Жүжигчин болох

Жүжигчнээр ажиллахад хэцүү зүйл: Дуртай мэргэжлээрээ ажиллаж байгаа болохоор хэцүү зүйл байхгүй

Дуртай дүр: Өөрийнхөө тоглосон туслах дүрүүдэд хайртай

 Чөлөөт цагаараа хийдэг зүйл: фитнесээр хичээллэх, найзуудтайгаа ууланд гарах

Хоч: Ойр, дотнын хүмүүс Дууяа гэж дууддаг

Өөрийгөө илэрхийлбэл: Түргэн ууртай

Зорилго, мөрөөдөл: Бид дэлхийд алдартай уран бүтээл хийнэ

Дуртай хоол: Эхнэрийнхээ хийсэн бүх хоолонд дуртай. Ялангуяа бууз

Дуртай дуу: Таалагдсан бүх дуугаа байнга сонсдог

 Хэлэх дуртай үг: Намайг үргэлж ойлгож, дэмждэг эхнэртээ баярлалаа

Дуртай улирал: Өвөл

Залуучуудад юу уриалах вэ: Өглөө эрт босох сайхан юм билээ.

Хамгийн их баярлуулдаг хүн: Ээжийгээ баярлуулахыг хичээдэг

 Хамгийн сүүлд хэзээ уйлсан бэ: Ер нь их уйламхай

 Сайн дүр бүтээхийн тулд: Ажиллах дүртэйгээ ойролцоо ном унших

Бусдаас ялгарахын тулд: Арын албанд ажилладаг хүмүүсээ хүндэлж харьцдаг

Эмзэглэдэг зүйл: Юу ч хийгээгүй байж бусдыг муулдаг хүмүүсийг гайхдаг

   Б.БОЛОРЧУЛУУН: Миний мэргэжил бүх зүйл хялбар биш гэдгийг ойлгуулсан

Овог, нэр: Будын Болорчулуун

Төрсөн он, сар: Дорнод аймагт 1990 оны арванхоёрдугаар сарын 30-нд төрсөн

Төгссөн сургууль: 2008 онд Дорнод аймгийн тавдугаар бүрэн дунд сургууль, 2015 онд СУИС, 2020 онд Бээжинд Хэл соёлын их сургууль төгссөн

Багийн мөрөөдөл: Багаасаа жүжигчин болохыг хүсэж дурлаж байсан

Жүжигчнээр ажиллахад хэцүү зүйл: Миний мэргэжил бүх зүйл хялбар биш гэдгийг ойлгуулсан

 Чөлөөт цагаараа хийх дуртай зүйл: Өөрийгөө хөгжүүлж аялах, дуулах, ном унших, кино үзэх дуртай.

Хоч: Болжмор, хурга

 Өөрийгөө илэрхийлбэл: Хүүхэд шиг цайлган зантай, Түргэн уурладаг ч амар гардаг

Зорилго, мөрөөдөл: Продакшнаараа олон улсын давцанд дүйцэх кино уран бүтээл гаргах, үзэгчдийг уйдаахааргүй уран бүтээл хийх, МАРС нээгдэхээр эргэлзэхгүйгээр явна

 Идэх дуртай зүйл: Бүх төрлийн самар

Дуртай дуу, шүлэг, кино, ном: Pink Floyd-Shine On You Crazy Diamond, Чойномын шүлгүүд, Kites /Энэтхэг хайрын кино/, Айн Рэнд Атландын нуруу тэнийв зэрэг уран бүтээлд дуртай

Хэлэх дуртай үг: Гоё бай

Дуртай улирал: Зун

Хэнийг хамгийн их баярлуулдаг вэ: Найзуудаа баярлуулж байхыг хүсдэг. Ээж, аав, гэр бүлийнхэндээ маш их баярладаг

Сайн дүр бүтээхийн тулд: Дүрээ судалж, төсөөлж боддог

Бусдаас ялгарахын тулд: Өөрийн давуу байдлаа 100 хувь гаргавал ялгарч харагдаж чадах байх

Э.БАЯРМАГНАЙ: Сайн дүр бүтээхийн тулд үнэн байхыг хичээдэг

Овог, нэр: Эрдэнэбаярын Баярмагнай

Төрсөн он, сар: 1990 оны зургадугаар сарын 1-нд айлын дунд хүү болон мэндэлсэн

Төгссөн сургууль:2008 онд улсын тэргүүний 76 дугаар сургуулийг төгсөж, Соёл урлагийн их сургуулийг 2012 онд төгссөн

Багийн мөрөөдөл: Соёл урлаг болон нийгмийн ажилд дуртай байсан. Тийм болохоор жүжигчин болоход нөлөөлсөн.

Үзэх дуртай кино: Өөрийнхөө бүх кинонд дуртай

Чөлөөт цагаараа юу хийх дуртай вэ: Гэр бүлийнхэнтэйгээ хамт байх сайхан

Хоч: Дэгдээхэй

Өөрийгөө илэрхийлбэл: Инээнэ, уйлна, уурлана, гомдоно

Дуртай хоол: Эхнэрийнхээ хийсэн бүх хоолонд дуртай

Дуртай дуу: Хит болж байгаа бүх дуунд дуртай

Хэлэх дуртай үг: Байхгүй

Дуртай улирал: Зун

Бодит амьдрал дээр жүжиглэдэг үү: Ойр дотнын хүмүүсээс мэдэх байх

Хамгийн их баярлуулдаг хүн: Ээжийгээ, хүүхдүүдээ

Сайн дүр бүтээхийн тулд: Өөртэйгөө ажиллаж, үнэн байхыг хичээдэг

Эмзэглэдэг зүйл: Хүүхэд хүүхдээрээ байхгүй хэтэрхий том юм ярихад нь томчууд хэрсүү хэмээн өөгшүүлэхэд дургүй