Эргэлт.мн мэдээллийн сайт өнгөрч буй долоо хоногт болсон онцлох үйл явдлуудыг тоймлон хүргэж байна.

“ААВ ЗАРНА” ГЭХ ЗАР ЦАХИМ СҮЛЖЭЭНД ЦАЦАГДАЖ, ОЛОН НИЙТИЙГ ЦОЧИРДУУЛАВ

Өнгөрч буй долоо хамгийн шуугиан, дуулиантай мэдээлэл бол “Аав зарна, элдэв өвчингүй, гурван сая төгрөг” гэх зар гуравдугаар сарын 2-нд цахим сүлжээгээр цацагдаж, олны бухимдлыг хүргэсэн үйл явдал байлаа.  Үүний улмаас цагдаагийн байгууллагаас хяналт шалгалт явагдаж эхэлсэн бөгөөд, зар дээр бичигдсэн дугааарын эзэнтэй аавыгаа зарах тухай ярьсан бичлэг мөн цацагдаж, иргэдийг бухимдалд хүргэсэн. Тэгвэл уг зар киноны нэг хэсэг болохыг “OI entertainment” продакшны уран бүтээлчид гуравдугаар сарын 4-нд зарлаж, олон нийтээс уучлалт гуйн, хуулийн хархиуцлага хүлээнэ гэдгээ мэдэгдсэн. Улмаар өнгөрсөн Пүрэв гарагт ШӨХТГ-аас дээрх зарыг нийтэлсэн “Шуурхай зар” сонинг эрхлэн гаргадаг компанид таван сая төгрөгийн торгууль ногдуулж, “Гайхамшигт ертөнц” киног гаргах эсэх асуудлаар Соёлын яаманд хандана гэдгээ илэрсэн. Тэгвэл өчигдөр тус кино багийн уран бүтээлчид ШӨХТГ-тай уулзан, “Шуурхай зар” сонинд ногдуулсан таван сая төгрөгийг өөрсдөө төлөх шийдвэрт хүрсэн юм.

 ХОТ ХООРОНД ЗӨРЧИХ ХӨДӨЛГӨӨНИЙГ НЭЭЛЭЭ

УОК-ын шийдвэрийн дагуу гуравдугаар сарын 1-нд Улаанбаатараас орон нутаг руу зорчих хөдөлгөөнийг нээсэн. Уг шийдвэрийг УОК өнгөрсөн сарын 25-ны хуралдаанаар гаргасан бөгөөд юм.

Ингэснээр 40 мянган хүн, 14 мянга орчим тээврийн хэрэгсэл нийслэлд орж ирэх тооцоог холбогдох албаныхан мэдээлсэн

Иргэд орон нутаг руу хувийн автомашинаар болон нийтийн тээврээр зорчино. Ингэхдээ коронавирусний PCR шинжилгээ өгсөн байх, хариу сөрөг гарсныг нотлох баримттай байх ёстой гэх шаардлага тавьж байгаа. Мөн шинжилгээний хариу гарсан өдрөөсөө хойш 72 цагт хүчинтэй. Хэрэв шинжилгээний хугацаа 72 цаг хэтэрсэн бол аймаг, орон нутгийн асуудал хариуцсан албаныхан иргэдээсээ түргэн оношлуураар шинжилгээ авах юм.

ОРОН НУТАГТ ТАНХИМЫН ХИЧЭЭЛ ЭХЭЛЛЭЭ

Засгийн газар, Боловсрол шинжлэх ухааны яамны саналыг үндэслэн гурав дугаар сарын 1-нээс орон нутагт танхимын сургалтыг эхлүүлэх шийдвэр гаргасан. Ингэснээр аймаг, сумдын 770 цэцэрлэгийн 132 мянга, 558 ЕБС- ийн 350 мянга орчим хүүхэд хичээллэнэ. Гэхдээ шууд энгийн горимд шилжихгүй. Зарим аймаг, суманд хичээл эхлэх горимд өөрчлөлт оржээ. Тухайлбал, Дархан- уул аймгийн танхимын сургалт энэ сарын 9- нөөс эхлэх юм байна. Тус аймагт цэцэрлэгийн 700 мянга гару, ЕБС – ийн 23 мянган хүүхэд байгаа бөгөөд танхимын хичээл эхлснээр аймгийн 3.1 хувь хөдөлгөөнд оролцох учраас халдвар хамгааллын дэглэмийг дээд зэргээр саин хамгаалж мөрдүүлэх шаардлагыг аймгийн Онцгой комиссоос гаргажээ. Харин нийслэлд халдварын тархалт, нөхцөл байдлыг харгалзан танхимын сургалтыг хэзээ хэрхэн эхлүүлэхээ эцэслэн шийдээгүй байна.

НЭГ ХОНОГТ КОРОНАВИРУСЭЭР 77 ХҮН ӨВЧИЛЖ, 24 ЦАГТ БАТЛАГДСАН ХАМГИЙН ОЛОН ТОХИОЛДОЛ БОЛЛОО

Манай улс коронавирусийн нөхцөл байдалтай холбоотойгоор нэгдүгээр сарын 11-нээс хоёрдугаар сарын 22- ыг хүртэл нийслэлийн хэмжээнд гуравдах удаагаа хөл хорио тогтоосон. Амьдралын хэвийн горимд шилжих эдийн засгаа чөлөөлөх зорилгоор хоёрдугаар сарын 23 нд хөл хориог цуцалж, үзвэр, үйлчилгээ нээгдээд байгаа. Хэдий амьдралын хэвийн горимд шилжсэнч корона вирусын халдар эрсдэлтэй хэвээр байгаа учир хүн хоорондын зай барьж халдвар хамгааллын дэглэмээ сайтар сахихыг холбогдох мэргэжилтнүүд анхааруулж байгаа. Тэгвэл ЭМЯ болон ХӨСҮТ өчигдөрийн 11 цагийн ээлжит мэдээллээрээ нэг хоногт коронавирусийн халдвараар 77 хүн өвчилснийг мэдээлсэн. Энэ нь манай улсын хувьд 24 цагт батлагдаж буй хамгийн олон тохиолдол болоод байгаа юм. Ингэснээр Монгол Улсад нийт халдвар авсан хүний тоо 3153 болж байна. Тэдгээр 77 хүнээс 71 хүн нь ойрын хавьтлаас илэрсэн бол таван хүний халдварын эх уурхайг тодорхойлох тандалт хийгдэж байгаа юм. Тэдгээр таван хүн оршин суугаа байршил нь СХД-ийн 33, 35, 36-р хороо, СБД-ын II хороо юм. Нэг шинэ голомт бүртгэгдсэн ба түүний хавьтлуудыг тусгаарлажээ. 

Эргэн сануулахад:

• 2020.12.23-ны өдөр 57 хүнээс,
• 2021.02.19-ний өдөр 58 хүнээс ,
• 2021.02.06-ны өдөр 61 хүнээс тус тус халдвар илэрсэн нь Монгол Улсад хоногийн дотор батлагдсан халдварын хамгийн олон тохиолдол болж байв.

Шинээр илэрсэн 77 тохиолдол бүгд Улаанбаатар хотод бүртгэгдсэн бөгөөд гуравдугаар сарын 5-ны байдлаар дотоодын халдварын тоо 2634 болоод буй. Үүнээс 2442 хүн эдгэрч, эмнэлгээс гараад байна.