Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жил, Ардчилсан хувьсгалын 33 жилийн ойн Үндэсний их баяр наадмын хүчит бөхийн барилдаанд Архангай аймгийн Цэнхэр сумын харьяат Мягмарын Бадарч түрүүлж, улсын арслан болсон билээ. Допингийн эсрэг үндэсний төвөөс шинжилгээ өгсөн 32 бөхөөс нэгээс нь допинг илэрсэн талаар мэдээлэл өгөөд байгаа. Мөн тухайн бөх В сорьцоо өгөх хүртэл нэрийг нь зарлах боломжгүй талаар мэдэгдээд байсан юм.

Тэгвэл допингийн шинжилгээнд бүдэрсэн бөх В сорьцоо шинжлүүлэх хүсэлт гаргажээ. Энэ талаар Үндэсний баяр наадам зохицуулах салбар хорооны дарга П.Сайнзоригоос тодруулахад “Допинг илэрсэн бөх В сорьцоо шинжлүүлэх хүсэлт өнөөдөр гаргасан. В сорьцын хариу гарахаар албан ёсоор мэдэгдэнэ. Би албан ажлаар орон нутагт явж байгаа учраас дэлгэрэнгүй мэдээлэл өгөх боломжгүй байна” гэлээ.