Франц Улсын Аллиер мужийн төлөөлөгчид өнөөдөр Өвөрхангай аймагт айлчилжээ. Тодруулбал,  Франц Улсын Аллиер мужийн төлөөлөгчид аймгийн удирдлагуудтай уулзалт хийж цаашид хамтран ажиллах талаар санал солилцож боловсрол, соёл, урлаг, эрүүл мэнд, залуу үеийн хамтын ажиллагааны чиглэлээр хамтран ажиллахаа илэрхийлжээ. Уг зочдыг Өвөрхангай аймгийн Засаг дарга А.Ишдорж хүлээн авч уулзсан гэрэл зургаа цахим сүлжээнд нийтэлжээ.

Засаг дарга А.Ишдорж нь 20 хоногийн өмнө зам тээврийн ноцтой осол гаргаж, хүний амь хохироосон байдаг. Тэрбээр гурав хоногийн өмнө буюу наймдугаар сарын 28-нд үүрэгт ажлаасаа чөлөөлөгдөж байгаа тухай мэдэгдсэн байдаг.

Мөн хуулийн байгууллагаас А.Ишдоржийн цуснаас шинжилгээ авч, осол гаргах үедээ мансуурах бодис, архи согтууруулах ундаа хэрэглэсэн эсэхийг тогтоохоор ажиллаж байгаа юм. Хуулийн хугацаагаар шинжилгээний хариу гарах хамгийн сүүлийн өдөр нь өнөөдөр ажээ.