Говь-Алтай аймгийн Цээл сумын Дэрстэй багт тарвага агнаж, идсэн 15 настай хүүхэд нас барсан хэрэг гарсан. Тодруулбал,  наймдугаар сарын 29-нд хоёр хоногийн өмнө тарвага агнаж идсэн, идсэн өдрөөсөө хойш хоёр хоног халуурч байгаад нас барсан гэх хэрэгт мөрдөн шалгах ажиллагаа явуулж байгаа аж.

Иймд иргэд Та бүхэн тахлын голомт бүхий газарт зорчихгүй байх, ан амьтны  түүхий эд, махыг хүнсэнд хэрэглэхгүй байх. Тарваган тахал өвчнөөс урьдчилан сэргийлэх, тарваганы тоо толгой, тархац нутгийн хэмжээг нэмэгдүүлэх зорилгоор Байгаль орчин, аялал жуулчлалын сайдын 2021 оны А/193 дугаар тушаалаар ахуйн болон үйлдвэрлэлийн зориулалтаар тарвага агнахыг гурван жилийн хугацаанд буюу "2021-2024" хориглосон тул өөрийн болон гэр бүл, бусдын амь, эрүүл мэндийг сахин хамгаалж, мэргэжлийн байгууллагуудын зөвлөмжийг дагахыг сэрэмжлүүлж байна.