Дарханы замын тендерт оролцсон ЗТЯ-ны нэр бүхий албан тушаалтнуудын албан өрөө болон гэрт нь АТГ-аас нэгжлэг хийж байгаа талаар мэдээлэл гараад байна.

Энэ талаар Зам тээвэр, хөгжлийн сайд Л.Халтараас тодруулахад “ Энэ талаар би сайн мэдэхгүй байна. Манай Автозамын газрын дарга Оюундэлгэрээс тодруулаарай” гэв.

Бид ЗТХЯ-ны Автозамын газрын дарга Б.Оюундэлгэрээс тодруулахад “Одоогийн байдлаар биднийг шалгаж, нэгжлэг хийж байгаа юм алга. Одоогоор бид хэвийн ажлаа хийж байна. Тухайн үед Дарханы тендер зарлахад ажиллаж байсан албан хаагчид ажлаа хийж байгаа. Өнгөрсөн хавар Ерөнхий сайд шалгах үүрэг өгсөн үүний дагуу бид хуулийн байгууллагыг мэдээллээр хангаад явж байна. Хуулийн байгууллага шалгаж үзээд шаардлагатай албан хаагчдыг шалгах байх” гэв.

Эх сурвалжийн мэдээлснээр “Дарханы тендерт оролцсон албан хаагчдыг цагдан хорьж болзошгүй” гэх мэдээлэл өгөөд байна.