Нийслэлийн Баянзүрх дүүргийн 21 дүгээр хороонд байрлах ерөнхий боловсролын 127 дугаар сургуулийн сурагчдыг залилсан хэрэг гарчээ. Тодруулбал, тус сургуулийн сурагчдыг “Жүдогийн спортын дугуйланд хамруулна” хэмээн бүртгэж, хүүхдүүдээс хувцасны мөнгө гэж 150 мянган төгрөг хураан авчээ.

Энэ талаар хохирогч ээжийн хүүхэд хэлэхдээ “Монелд байрлах жүдогийн сургалтад хүүхдүүдийг бүртгэж авсан. Хүүхдүүдээс 150 мянган төгрөг хурааж авсан. Эцэст нь, жүдогийн сургалт ч үгүй, хувцас ч үгүй, хураасан мөнгө ч үгүй боллоо. Одоо тус сургалтын төв нь утсаа ч авахаа больсон. Эхэндээ “Удахгүй өгнө, сарын дараа шилжүүлье” зэргээр хойшлуулж байсан. Одоо бүр мөнгөө авч чадахгүй есөн сар болж байна. Хохирсон хүүхдүүдийн ар гэрийнхэн нийлж, гомдол гаргах болно. Тус сургуулийн олон хүүхэд сургалтад хамрагдах гээд мөнгөө өгсөн. Сургуулийн захиргаанаас нь зуучилж, хамрагд гэсэн юм билээ. Гэтэл одоо энэ асуудлыг хэн ч хариуцахгүй болж, хэргээс бултаж байна” гэв.