Н.Түвшинбаярыг шүүх хурал  Хан-Уул дүүргийн Эрүүгийн хэргийн анхан шатны шүүхэд үргэлжилж байна.

       Энэ үеэр шүүгдэгч Н.Түвшинбаяр “Миний бие гэм буруугаа туйлын ихээр хүлээн зөвшөөрч байгаа. Хийж болохгүй үйлдлийг хийсэн гэдгээ ойлгож байгаа. Чин сэтгэлээсээ уучлалт гуйж байна. Энд ирсэн ах дүү, хамаатан садан, гэрчүүдээс уучлалт гуйж байна. Талийгаач найзынхаа ар гэр, үр хүүхдээс чин сэтгэлээсээ уучлалт хүсье. Миний найз миний хамгийн сайн найз байсан. Хүүхэд ахуй наснаасаа л хамтдаа хүсэл мөрөөдлөө ярьж, өнөөдрийн миний энэ амжилт бүхэнд миний найз салшгүй холбоотой явсан. Найзынхаа амь насанд хүрчихье гэж, ийм нөхцөл байдалд хүрнэ гэж огт бодоогүй. Энд сууж байгаа бүх хүнээс уучлалт хүсмээр байна. Миний найзыг дэмждэг байсан Монголын ард түмнээс уучлалт хүсэж байна. Миний хэргийг хуулийн дагуу шийдэж өгөхийг хүсэж байна. Маш их харамсаж, гэмшиж байна. Боломж олдвол найзынхаа үр хүүхэд, гэр бүлд тусалж, явах болно. Хуулийн өмнө хариуцлага хүлээх болно" гэв.