Хилийн цэргийн 0130 дугаар ангийн албан хаагч нар зодолдож, нэгнийхээ биед хүнд гэмтэл учруулжээ. Тордруулбал, Ховд аймагт байрлах тус ангийн хоёр албан хаагч хувийн таарамжгүй харилцаанаас болж, маргалдаж, нэгнийхээ нүдийг сохолжээ.

Энэ талаар Хилийн цэргийн 0130 дугаар ангийн захирагч Г.Баярхүүгээс тодрууллаа. Тэрбээр “Одоогийн байдлаар шалгагдаж байгаа хэрэг учраас мэдээлэл өгөх боломжгүй  байна. Хувь хүний асуудал шүү дээ. Эл хэрэг ажлын бус цагаар, ажлын байрнаас өөр газарт болсон. Албан хаагчдыг цагдаагийн байгууллага шалгаж байгаа” гэлээ.