“Витсамо Фрут Жүүс” ХХК-ийн үйлдвэрлэдэг “Сор” соруултай сүү чанарын шаардлага хангахгүй, хугацаа нь дуусаагүй хэрнээ гашилж, цавуу шиг болсон тухай мэдээлэл цахим орчинд тархаад байгаа билээ. Тодруулбал, нэгэн иргэн Дархан-Уул аймгийн “Оргил” худалдааны төвөөс соруултай сүү худалдан авахад сүү нь цавуу шиг болж, уухын аргагүй болсон байжээ. Охины ээж энэ асуудлыг холбогдох хүмүүст хэлж, Мэргэлжлийн хяналтын газраас шалгаж, “Зүгээр сүү байна” гэх дүгнэлт гаргасан байна.

          Бид энэ талаар Витсамо Фрут Жүүс ХХК-ийн Сор сүүний менежер н.Базараатай холбогдож тодрууллаа. Тэрбээр “Гашилсан сүү байсан байна лээ. Гашилсан сүү уусан гэх хүүхдийг бид эмнэлэгт үзүүлсэн. Бие нь зүгээр, хэвийн байна гэсэн. Харин цаашид ажиглах шаардлагатай гэж байна лээ. Бид охины эмчилгээнд зориулж, 150 мянган төгрөг өгөх гэсэн боловч охины ээж аваагүй. Харин биднээс 2-3 сая төгрөг нэхсэн. Тийм учраас бид явах газраараа явж, байгаа бичлэгээ цахим орчинд тавьж болно гэдгийг хэлсэн. Тэрнээс бид “Та бичлэгээ устга. Танд хэдэн төгрөг хэрэгтэй вэ” гэж асуугаагүй. Энэ талаарх мэдээллийг мэргэжлийн хүнээс аваарай” гэв.

Мөн охины ээж тус бичлэгийг сэрэмжлүүлэг болгох зорилгоор тавьсан гэдгээ мэдэгдсэн билээ.