Хоёр бөхөөс допинг илэрсэн талаар мэдээлсэн билээ. Тодруулбал, Монголын Үндэсний Допингийн эсрэг байгууллагаас 2022 оны гуравдугаар сарын 17,19-ний өдрийн барилдаануудад шөвгөрсөн 14 бөхөөс допингийн явцын шинжилгээг авсан байдаг. Бөхчүүдийн шинжилгээний хариу Олон улсын Допингийн эсрэг байгууллагын  итгэмжилсэн БНСУ-ын лабораториос 2022 оны дөрөвдүгээр сарын 25-ны өдөр МҮДЭБ-д иржээ. Допингийн эсрэг төвөөс Монголын үндэсний бөхийн холбоонд  дээрх хариуг хүлээлгэн өгчээ. Нийт 14 шинжилгээнээс 12 нь сөрөг буюу зөрчилгүй, хоёр шинжилгээнээс хориотой эм бэлдмэлийн жагсаалтад багтсан нэг төрлийн бодис илэрсэн хариу ирсэн байна.

          ОУДЭБ-аас гаргасан журмын дагуу хоёр бөхөд хариуг мэдэгдэхэд бөхчүүд орон нутагт явсан тул дөрөвдүгээр сарын 27-ны өдөр өөрийн биеэр ирж, шинжилгээний хариугаа хүлээн авчээ.  Дээрх хоёр бөх нь хориотой эм бэлдмэл хэрэглэсэн шалтгаанаа дурдан, мөн гэм буруугаа хүлээн уучлал хүсэж, ямарваа нэгэн шийтгэл, хариуцлагыг хүлээн авахаа мэдэгдсэн өргөдөл, хүсэлтийг 2022 оны дөрөвдүгээр сарын 30-ны өдөр МҮБХ-нд ирүүлснийг Тэргүүлэгчдэд 2022 оны тавдугаар сарын 02-ны өдрийн ээлжит хурлаар танилцуулжээ.

Допингийн шинжилгээний хариуг бөхөд мэдэгдэх, мэдээлэх, хариуцлага  тооцох зэрэг асуудлуудыг журмын дагуу шийдвэрлэж байгаа аж.