Онцгой байдлын алба хаагч цахилгаанд цохиулж амиа алдсан хэрэг гарсан. Энэ хэрэгтэй холбоотойгоор Онцгой байдлын ерөнхий газраас мэдээлэл хийж байна.  

           ОБЕГ-ын дарга Г.Ариунбуян  “Арванхоёрдугаар сарын 3-нд нөлөөллийн аяны хүрээнд байрлуулсан самбарыг буулгах гэж байгаад онцгой байдлын алба хаагч амиа алдсан харамсалтай хэрэг гарлаа. Талийгаачийн ар гэрийнхнээс уучлалт гуйж, эмгэнэл илэрхийлж байна. Шадар сайдаас ирсэн үүрэг, даалгаврын дагуу шалгалт хийж, цагдаагийн байгууллагаас шалгалтын ажиллагаа явуулж байна. Үүрэг, даалгавар өгсөн Гал унтраах 63 дугаар ангийн захирагч, хэлтсийн даргыг ажлаас нь чөлөөлсөн. Мөн НОБГ-ын даргад сахилгын шийтгэл ногдуулсан. Талийгаачийн ар гэрийнхэнд олгох нэг удаагийн тэтгэмжийг олгохоор ажиллаж байна” гэв.