Монголын үндэсний бөхийн холбооноос мэдээлэл хийлээ. Энэ үеэр тус холбооны тэргүүн Б.Магалжав 18 бөхийн дөрвөн бөхөөс допинг илэрсэн талаар мэдээллээ. Одоогийн байдлаар допинг илэрсэн бөхчүүдийн нэрийг зарлах боломжгүй гэв. Допинг илэрсэн бөхчүүд 10 хоногийн дотор Б сорьцын шинжилгээ өгөх боломжтой аж.

512 бөхийн барилдаанд үзүүрлэсэн аймгийн хурц арслан Э.Ууганбаяртай холбогдоход “Монголын үндэсний бөхийн холбооноос над руу залгаж, мэдээлэл өгөөгүй байна. Би өмнө нь хэд хэдэн удаа допингийн шинжилгээ өгч байсан. Допинг илрээгүй бөхчүүд рүүгээ залгаж хэлдэггүй юм билээ. Энэ асуудлыг заавал дэлгэрүүлж, шуугих хэрэггүй байх гэж бодож байна” гэлээ.