Монголын үндэсний бөхийн холбооноос мэдээлэл хийлээ. Энэ үеэр тус холбооны тэргүүн Б.Магалжав 18 бөхийн дөрвөн бөхөөс допинг илэрсэн талаар мэдээллээ. Одоогийн байдлаар допинг илэрсэн бөхчүүдийн нэрийг зарлах боломжгүй гэв. Допинг илэрсэн бөхчүүд 10 хоногийн дотор Б сорьцын шинжилгээ өгөх боломжтой аж.

            512 бөхийн барилдаанд түрүүлсэн Ховд аймгийн харьяат улсын харцага Б.Бат-Өлзийтэй холбогдлоо. Тэрбээр “Одоогийн байдлаар Монголын үндэсний бөхийн холбооноос надтай холбогдож, хариу өгөөгүй байна. Допинг илэрсэн бөхчүүдтэй холбогдож, мэдэгддэг юм билээ. Тэгэхээр над руу залгахгүй байх. Би шинжилгээний хариунд итгэлтэй байгаа. Допинг хэрэглээгүй, хэрэглэх ч үгүй” гэлээ.