Архангай аймгийн Чулуут суманд киноны зураг авалт хийхээр очсон багийнхны нэг хүнээс коронавирус илэрсэн талаар бид мэдээлсэн. Халдвар авсан иргэнийг өнөөдөр өглөө Улаанбаатар хот руу шилжүүлсэн. Түүнчлэн кино багийнхан сумын төвөөр дайралгүй, Өлзийтгол багийн Естийн нуурт очсон тул зураг авалтын хүмүүстэй уулзсан иргэдийн мэдээллийг цуглуулж, тандалт судалгааны ажил хийж байгаа юм. Тэгвэл ойрын болон дам хавьтлын нийт 26 хүнийг тусгаарласан байна.