Архангай аймагт өчигдөр дөрвөн хүн аянганд цохиулж, хоёр хүн амиа алдсан харамсалтай хэрэг гарлаа. Тодруулбал, Архангай аймгийн Цэнхэр сумын Орхон багийн нутаг аймгийн төвөөс  80 клометрт орших Тээл гэх газарт наймдугаар сарын 5-ны 20:40 цагийн орчим дөрвөн хүн уулан дээр гарч утсаар ярих гэж яваад хоёр нь аянганд цохиулж нас барсан байна.

   Сүүлийн хоёр сарын хугацаанд арав гаруй хүн аянганд цохиулж, зургаан хүн амиа алдсан байна. Иймээс иргэд та бүхэн дуу цахилгаантай бороотой үед уулан дээр гарахгүй байж, утсаа унтрааж, сонор сэрэмжтэй байгаарай.