• Өнөөдөр 2025-04-04

Монголд гепатитын В, С вирусийн халдварын тархалтыг таслан зогсоосныг баталгаажуулах урьдчилсан үнэлгээг хийнэ

2021-11-05,   603

Өчигдөр В, С вируст гепатитын тархалтыг таслан зогсоосныг баталгаажуулах урьдчилсан үнэлгээг зохион байгуулах чиглүүлэх уулзалт боллоо.

Уулзалтад, Гепатиттай тэмцэх дэлхийн хөтөлбөр, ДЭМБ-ын Женев дэх төв байгууллага, Номхон далайн баруун бүсийн төв, Монгол дахь суурин төлөөлөгчийн газраас Эрүүл мэндийн яам, мэргэжлийн байгууллага хамтран оролцлоо.

Мөн Улсын Их Хурлын гишүүн Ж.Чинбүрэн чиглүүлэх уулзалтад оролцож, Элэг бүтэн Монгол хөтөлбөрийг хэрэгжүүлэхэд үнэтэй хувь нэмэр оруулсан үндэсний багийг төлөөлөн үнэлгээний явцад амжилт хүслээ.

Халдварт өвчин судлалын үндэсний төвийн хамт олон Монгол улсад Вируст гепатиттай (ГСВ, ГВВ) тэмцэх үндэсний хариу арга хэмжээ, стратегийн мэдээллийн тогтолцоог танилцуулсан.

ДЭМБ-ын үнэлгээний баг Монгол Улсын В, С вируст гепатиттай тэмцэх үндэсний хариу арга хэмжээ, тандалт, хяналт, илрүүлэг, эмчилгээ, дархлаажуулалт, эх, хүүхдийн эрүүл мэнд зэрэг үйл ажиллагааг хэрэгжүүлэгч талуудтай урьдчилсан үнэлгээг хэрэгжүүлэх талаар санал солилцсон юм.

Эх сурвалж: Эрүүл мэндийн яам

 


Монголд гепатитын В, С вирусийн халдварын тархалтыг таслан зогсоосныг баталгаажуулах урьдчилсан үнэлгээг хийнэ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.