Хүүхэд бүр тэгш сурах эрхтэйг үлгэрлэн харуулсан 24 дүгээр сургуулийн 1г ангийнхан

2022-09-21, 1737

Нийслэлийн Чингэлтэй дүүргийн улсын тэргүүний 24 дүгээр сургуулийн нэгдүгээр ангийн хоёр бүлэг үдээс хойш хичээл нь орохоор болсон. Учир нь, эл хоёр ангид даунтай хүүхэд суралцдаг болохоор өглөө эрт хичээллэхээр амархан ядрах үүднээс ийн шийдвэрлэн өдөр хичээллэж байна. Хоёр бүлгийн нэг ангид 45, нөгөө бүлэгт нь 40 хүүхэд суралцаж байгаа бөгөөд сургуулийн удирдлага болон хүүхдүүдийн 80 гаруй эцэг эхчүүд дуу нэгтэйгээр дэмжин ийн хичээллэж байгаа аж.

Ангиараа, сургуулиараа нэг сурагчаа дэмжиж, нэг хүүхдийг ч ижил тэгш сургахын төлөө хичээж байгаа тэдний үйлдэл ийн сургуульдаа төдийгүй нийгэмд том үлгэр жишээ болж байна. Иймээс бид тус сургуулийн Б.Энхсувд багштай 1г ангийг ид хичээлтэй байх үед очин, сурвалжилсан юм. Хичээл албан ёсоор эхлээд гурван долоо хоносон. Нэгдүгээр ангид элсэн орсон хүүхдүүд одоо л дөнгөж аргаа олж, жигдэрч эхэлж байгаа бололтой харагдаж байлаа.

-НИЙСЛЭЛИЙН СУРГУУЛИУДАД ДАУНТАЙ 10 ХҮҮХЭД СУРГАХ ТУРШИЛТ ХӨТӨЛБӨР ХЭРЭГЖИЖ БАЙНА-

Хүүхдүүд өдөр орох болсонтой холбоотойгоор бид Б.Энхсувд багш "Адина" төрийн бус байгууллага, Нийслэлийн боловсролын газартай хамтран даунтай 10 хүүхэд сургах туршилт төсөл хэрэгжиж байгаа. Энэ хүрээнд манай сургуулийн нэгдүгээр ангийн хоёр бүлэгт хоёр хүүхэд суралцаж байна. Өмнө нь бол аутизмтай хүүхэд суралцаж байсан. Одоо ч зарим анги бүлэгт суралцаж байна. Үндсэндээ дээрх төсөл хөтөлбөрийн хүрээнд туслах багш буюу сүүдэр багштайгаар хичээллэж байгаагаараа онцлог. Өөрөөр хэлбэл, туслах багш бусад хүүхдийн завсар зайгаар даунтай хүүхдийн бодож бичих, хэл яриаг засахад тусалдаг байна. Ингээд л сургуулийн удирдлага болон ангийнхаа хүүхдүүдийн эцэг, эхэд хэлэхэд цөм дэмжиж, хоёр бүлэг өдөр хичээллэхээр болсон" гэв.

Биднийг очиход туслах багш нь байхгүй байсан бөгөөд төслийн хүрээнд их, дээд сургуулийн оюутан багш нар тус хоёр бүлэгт ажиллаж байгааг Б.Энхсувд багш онцолсон юм.

-АНГИЙН ЭЦЭГ ЭХИЙН ТӨЛӨӨЛӨЛ: ХҮҮХЭД БҮР СУРАХ ЭРХТЭЙ. НЭГНИЙГЭЭ ТУСАЛЖ, ДЭМЖИХ НЬ ЧУХАЛ-

Тус сургуулийн нэгдүгээр ангийн хоёр бүлгийн эцэг эхчүүд өдөр орох шийдвэрийг зөвшөөрсөн нь үлгэр жишээ нэгэн зүйл юм. Энэ ч утгаар ангийн зарим эцэг эхийн төлөөллөөс асуухад "Хүүхэд бүр тэгш сурах эрхтэй. Энэ ч утгаар ганцхан манай хүүхэд суралцаж байвал л болоо, бусдын хүүхэд хамаагүй гэсэн хандлагаар хандаж болохгүй. Харин ч нэгэндээ туслаад, дэмжээд явах нь зүйтэй гэж үзээд өдрийн хичээлийн хуваарьт шилжихийг зөвшөөрсөн. Хүүхдийн хичээл өглөө ороход, ажилдаа явах замдаа сургуульд нь хүргээд өгдөг нэг давуу талтай бол өдөр орохоор сургуульд хүргэж өгөх хүн ховор асуудал үүсэж байгааг эс тооцвол нэгдүгээр ангийг хүүхэд харин ч ядрахгүйгээр хангалттай сайн амраад хичээлдээ очдог. Өглөө хичээл нь орохоор нойр дутуу хүүхдүүд ч мөн байдаг" гэсэн юм.

Ийнхүү тус сургуулийн хоёр ч бүлэг ийн удирдлага болон эцэг эхчүүдийнхээ дэмээр нэг сайн нөхрөө дэмжиж, ижил тэгш суралцаж байна.

Хүүхэд бүр тэгш сурах эрхтэйг үлгэрлэн харуулсан 24 дүгээр сургуулийн 1г ангийнхан

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 3

Сэтгэгдэл үлдээсэн: 2022-09-26 13:33:14

Мөнхзул: Манай хүүхэд 24 дүгээр сургуульд явдаг. Ер нь багш, ажилчид, удирдлагууд гээд сайхан энергитэй, зөв үйл, зөв үгтэй сайхан хамт олон гэж боддог шүү. Хүүгийнхээ сургуулийн хамт олонд амжилт хүсье.
Сэтгэгдэл үлдээсэн: 2022-09-26 03:21:31

Enkhee: Sain bna
Сэтгэгдэл үлдээсэн: 2022-09-22 20:17:00

altanbehi: Багшаа мундаг шүү