Боловсрол, шинжлэх ухааны яамнаас Казахстан Улсад бакалавр, магистр, докторын хөтөлбөрт суралцуулах сонгон шалгаруулалт зарлажээ. Шалгаруулалтыг бүрэн эхээр нь хүргэж байна.

Нэг. Тавигдах шаардлага

• Ерөнхий боловсролын сургуулийн 12 дугаар ангид суралцдаг Монгол Улсын иргэн (2021-2022 оны хичээлийн жилд суралцаж буй хугацааны дүнгийн хуулбар 80+);
• Монгол Улсын магадлан итгэмжлэгдсэн их, дээд сургууль, коллежийн I, II дугаар ангид суралцагч Монгол Улсын иргэн (голч дүн 3.3 ба түүнээс дээш голч дүнтэй);
• Магистрын хөтөлбөрт суралцах хүсэлт гаргагч нь бакалаврын зэрэгтэй Монгол Улсын иргэн (голч дүн 3.3 ба түүнээс дээш, хоёроос доошгүй жил ажилласан ажлын туршлагатай, 35 хүртэлх насны);
• Англи хэл эсвэл Орос хэлний B2 түвшний мэдлэгтэй;
• Өөр улсын Засгийн газрын тэтгэлэгт хамрагдаагүй байх;

Хоёр. Суралцах мэргэжлийн чиглэл:

Засгийн газрын 2020 оны 70 дугаар тогтоолын хоёрдугаар хавсралтад заагдсан мэргэжлийн чиглэлээр элсүүлэн сургана. Үүнд:

Гурав. Бүртгэл

БҮРТГЭЛ 2022 ОНЫ ДОЛДУГААР САРЫН 9-31-НИЙ ӨДРИЙН 23:59 МИНУТ ХҮРТЭЛ ЦАХИМААР ЯВАГДАНА.

https://scholarship.esis.edu.mn/ холбоосоор хандан, хэрэглэгчийн эрх үүсгэн нэвтэрч, цахим өргөдлийг бөглөх, илгээх гарын авлагатай танилцан, өргөдлийг бөглөж илгээнэ. Өргөдөлд дурдсан дараах баримт бичиг тус бүрийг PDF /Нэг файлын хэмжээ 5Mb-аас ихгүй байх/ хэлбэрээр “баримт бичиг” хэсэгт хавсаргана.

Цахим бүртгэлийн системд байршуулах баримт бичиг:

Бакалаврын сургалтад бүртгүүлэх иргэд

• Цахим өргөдөл
• Анги удирдсан багшийн тодорхойлолт;
• Бүгд Найрамдах Казахстан Улсад Засгийн газрын тэтгэлгээр суралцах хүсэлтэй байгааг илэрхийлсэн эссэ /Англи эсвэл Орос хэл дээр 500 үгээс доошгүй байх, Монгол орчуулгыг хавсаргах/;
• 11 дүгээр ангийн дүнгийн тодорхойлолт;
• Иргэний үнэмлэхийн нотариатаар баталгаажуулсан хуулбар;
• Гадаад паспорт;
• Англи хэл эсвэл Орос хэлний B2 түвшний мэдлэгтэй болохыг батлах нотолгоо
• Эрүүл мэндийн бичиг;
• Цагдаагийн бичиг;
• Их, дээд сургуулийн I, II дугаар курсийн дүнгийн хуулбар;

Магистрын сургалтад бүртгүүлэх иргэд

• Цахим өргөдөл
• Иргэний үнэмлэхийн нотариатаар баталгаажуулсан хуулбар;
• Тодорхойлох захидал /Багш-1, ажлын газар-1/;
• Дээд боловсролын зэргийн дипломууд, тэдгээрийн дүнгийн жагсаалтын нотариатаар баталгаажуулсан хуулбар (Боловсролын баримт бичиг монгол хэл дээр биш бол монгол хэл дээрх албан ёсны орчуулгыг хавсаргах);
• Англи хэл эсвэл Орос хэлний B2 түвшний мэдлэгтэй болохыг батлах нотолгоо;
• Бүгд Найрамдах Казахстан Улсад Засгийн газрын тэтгэлгээр суралцах хүсэлтэй байгааг илэрхийлсэн эссэ, суралцах хөтөлбөр, төлөвлөгөө /Англи эсвэл Орос хэл дээр 600 үгээс цөөнгүй байх, Монгол орчуулгыг хавсаргах/;
• Эрдэм шинжилгээний бүтээлийн жагсаалт (Докторын сургалтад өргөдөл гаргах иргэд заавал хавсаргах.)
• Эрүүл мэндийн бичиг;
• Цагдаагийн бичиг;
• Сүүлийн зургаан сарын хугацаанд авхуулсан 3*4 хэмжээтэй цээж зураг цахимаар оруулна;

Жич: Онлайн бүртгэлийн хугацаа дуусахаас өмнө бүртгүүлсэн баримт бичгийг ИЛГЭЭХ товчин дээр дарж баталгаажуулахыг анхаарна уу.

Бүртгэл дуусах цаг дөхөх тусам системийн ачаалал ихэсдэг тул эрт бүртгүүлэхийг зөвлөж байна. Бүртгэлийн системтэй холбоотой асуултыг ажлын өдөр 09:00-12:00 цагт 7577-8080 дугаараас лавлана уу.

Бүртгэлээс хоцорсон иргэдийг нэмж бүртгэх боломжгүй тул та тогтоосон хугацаанд бүртгүүлнэ үү.

Цахим бүртгэлийн системд үнэн, зөв баримт бичгийг байршуулах шаардлагатай. Баримт бичгийг хуурамчаар үйлдсэн тохиолдолд тэтгэлгийн эрхийг хасна.