Зун цаг бол өөрийгөө таньж мэдэж, хөгжих цаг юм. Аялал зугаалгын цаг эхэлсэнтэй холбогдуулан одоо хичээллэж буй сургалтын төвүүдийг танилцуулж байна

-МОНГОЛЫН ОЮУН УХААНЫ АКАДЕМИ-

  Сүүлийн жилүүдэд эцэг, эхчүүд Монголын Оюун Ухааны Академийн сургалтын төвийг ихэд сонирхох болсон. Уг төв ой тогтоолт, түргэн бодолт, спорт өрөлт, рубикийн шоо, хүрд, хурдан уншлага, англи үг гэсэн долоон төрлөөр сургалтын үйл ажиллагаагаа явуулдаг. Улаанбаатар хотын есөн дүүргийн 13 салбар, орон нутгийн 15 салбарт үйл ажиллагаагаа явуулж байгаа ажээ. Өдгөө хоёроос арванхоёрдугаар ангийн сурагчдад зориулсан “MEMORY & MATH SKILLS” оюуны хөгжлийн зуны сургалтын бүртгэл эхэлсэн байна. Уг сургалт нь 2022 оны наймдугаар сарын нэгнээс 12-ныг хүртэл үргэлжилнэ. “MEMORY & MATH SKILLS” зуны сургалтын төлбөр нэг ээлжийн 180 мянган төгрөгийн үнэтэй. Мөн дээрх сургалтаас гадна Монголын оюун ухааны академи нь шоо, хүрд, спорт өрөлт гэсэн гурван төрлөөр таваас найм хоногийн зуны сургалт зохион байгуулах бөгөөд төлбөрийн хувьд 80.000-100.000 төгрөг байна.

 -БАТХҮЛЭГ АВТО СУРГУУЛЬ-

   Хэрэв та Монгол улсад тээврийн хэрэгсэл жолоодох хүсэлтэй байгаа бол таньд жолооны үнэмлэх заавал байх ёстой. Жолооны үнэмлэх нь дотроо А, B, C, D, E, M гэсэн ангиллуудтай бөгөөд хамгийн түгээмэл ангилал бол В ангилал юм. B ангилал нь жолоочоос гадна наймаас илүүгүй хүний суудалтай, бүх жин нь 3500 кг-аас хэтрэхгүй автомашин барихыг зөвшөөрдөг. Мөн та В ангилалд машин барихын тулд 18 нас хүрсэн байх ёстой бөгөөд хамгийн чухал нь жолоочийн эрүүл мэндийн үзлэгт тэнцэж хараагаа шалгуулсан байх хэрэгтэй. Тээврийн хэрэгслийн В ангилалд жолооч болохын тулд та үндсэн 2 сарын сургалтын хөтөлбөрийг бүрэн хангаж, ЗЦГ-ын мэргэжлийн шалгалтыг замын хөдөлгөөний хууль дүрэм болон автодромын жолоодлогоор өгч тэнцсэн байх ёстой. Дромын шалгалтандаа тэнцсэн хүн  хот суурингийн доторх жолодлогын шалгалтыг өгдөг. Хэрэв та хотын жолоондоо тэнцсэн тохиолдолд В ангиллын жолооны үнэмлэхээ авдаг. Суралцагч нь жолооны курсэд бүртгүүлсэнээр “Авто сургуулийн дамжааны суралцагчтай хийх гэрээ”-г 2,5 сарын хугацаатай байгуулснаар албан ёсны сургалт эхлэнэ.

-ENFINITY ENGLISH-

  Англи хэл бол дэлхий дахины хэл юм. Хэлгүй бол хөлгүй гэдэг. Зуны амралтыг ашиглан хэлнийхээ чадварын сайжруулаад аваарай. Enfinity English сургалтын төв зуны сүүлийн бүртгэлээ явуулж байна. АНХАН_ДУНДААС_IELTS хүртэл олон түвшин, цаг мөнгө үрэлгүй хүчилж биш ухаалгаар уриан дор TESOL зэрэгтэй, 4-8 жилийн туршлагатай багш нартай хамт англи хэлээр суралцах боломжтой. Танхим болон онлайн ангиудаас сонголт хийнэ. IELTS 7 оноо амалдгаараа давуу талтай юм билээ. Үнийн хувьд танхимын сургалт 700000 төгрөгөөс бүтэн төлвөл 15 хвийн хямдралтай.

  -МОНГОЛ СОРОБАН-

  Монгол соробан төв Япон стандартаар соробан заадаг бөгөөд Улаанбаатар хотод 11, Эрдэнэт хотод нэг салбартайгаар үйл ажиллагаагаа явуулдаг. Зуны эрчимжүүлсэн сургалт нь долоо хоногт таван өдрөөр хичээллэдэг бол нэг удаагийн хичээл 90 минут үргэлжилдэг байна. Төлбөрийн хувьд нэг шат нь 360.000 төгрөг байна. Соробан нь сууж сурах, төвлөрөх, тунгаан бодох, тогтоох, цээжээр бодох, баруун зүүн тархи тэнцвэртэй хөгжих гэх мэт хүүхдийн оюуны олон талт чадварыг хөгжүүлдгээрээ онцлогтой.

-АНДРА АКАДЕМИ-

  Хэрвээ та өөрийнхөө авьяас чадварыг нээн илрүүлж өөрийгөө өөрчилмөөр байгаа бол Андра академийг санал болгож байна. Биеэ хэрхэн зөв цэгцтэй авч явахаас эхлээд хувь хүний сургалтууд ордог. Үе үеийн шалгарсан загвар өмсөгч нар энэхүү хичээлийг ордгоороо онцлогтой. Үнийн хувьд гэвэл нэг сарын сургалтын төлбөр нь Үндсэн төлбөр 180.000 төгрөгийн үнэтэй байна.