Ховд аймагт өвөлжилт хүндэрч, Чандмань, Дөргөн, Эрдэнэбулган, Ховд, Цэцэг, Дарви сумдад харын зуд болж буй талаар тус аймгийн Онцгой комиссоос өнгөрсөн есдүгээр сард мэдээлж байсан. 

 Тэгвэл өнгөрсөн  долоо хоногоос  Манхан сум өвс, тэжээлийн нөөцгүй болж, малчид хүндхэн байдалд байгаа.  Аймгийн Хөдөө аж, ахуйн газар  нөөцгүй.  Малчид бага хэмжээгээр өндөр үнээр худалдан авч байгаа гэх мэдээлэл бий. 

         Бид зудын нөхцөл байдал хэр байгаа талаар Ховд аймгийн Манхан сумын Засаг дарга Г.Ядамжаваас тодрууллаа. Тэрбээр “Энэ жил манай аймаг өвс, тэжээлээ өмнөх жилүүдээс хоёр дахин их хэмжээгээр бэлтгэсэн. Гэсэн ч уулархаг газраар цас ихтэй, өвөлжилт хүнд байлаа. Малчид болон аймгийн нөөц дууссан.  Өнөөдрөөс өвс, тэжээл ирж байгаа, бүх малчдад хангалттай хүрэлцэнэ. Зудын нөхцөл байдал ч дээрдэх байх” гэлээ.