Ерөнхий боловсролын 62 дугаар сургуулийн аравдугаар ангийн 20 гаруй сурагч нийлж бусад сургуулийн наймдугаар ангийн хүүг зодож, гэмтээсэн хэрэг өчигдөр гарчээ. Зодуулсан хүүгийн нүүр зулгарч, хамар, тархи гэмтсэн байна. Тодруулбал, тэд хүүг хичээлээ тараад явж байхад нь “Чи аль сургуульд сурдаг вэ” хэмээн байцааж “Чамайг өнөөдөр үхтэл зодно” хэмээн дээрэлхэж, хүнд гэмтээжээ.

    Хохирогч хүүгийн ар гэрийнхэн энэ талаар 22:00 цагийн үед мэдэж, ухаан алдсан хүүгээ эмнэлэгт хүргэн, Шүүх шинжилгээний үндэсний хүрээлэнгийн шинжээч эмчид үзүүлж, цагдаагийн мөрдөгчид мэдүүлэг өгч, өргөдөл гаргасан байна.