"Aero Mongolia" компани энэ сарын 5-нд Улаанбаатар-Нарита чиглэлийн нислэгээ цуцалж, зорчигчдодоо МИАТ-ийн онгоцонд шилжүүлэн суулгасан байдаг. Ингэхдээ тэд зорчигчдодоо  урьдчилан мэдэгдээгүй учир нэг япон иргэн хохирсон  гэх мэдээлэл олон нийтийн сүлжээгээр гарсан.

    Энэ талаар "Aero Mongolia" компанийн мэргэжилтнээс тодруулахад “Тухайн иргэн цахимаар тийз захиалахдаа утасны дугаар болон мэйлээ бичээгүй байсан юм билээ. Тиймээс зорчигчдыг МИАТ-ийн онгоц руу шилжүүлэхэд бүртгэгдээгүй үлдсэн гэх асуудал гарсан. Энэ талаар манайхаас нэгдсэн мэдээлэл өгнө” гэсэн юм.