Автомашины бүхээгт хавчуулагдсан иргэнийг эсэн мэнд гаргажээ. Тодруулбал, Нийслэлийн Чингэлтэй дүүргийн 13 дугаар хороо, Ерөнхий боловсролын 17 дугаар сургуулийн урд талын автозамын зорчих хэсэг хоёр автомашин мөргөлдөж, автомашины бүхээгт нэг хүн хавчуулагдсан тухай дуудлага өчигдөр Нийслэлийн аврах ангид иржээ.

     Дуудлагын дагуу нийслэлийн аврах ангийн алба хаагчдыг очиход нийслэлийн иргэн 39 настай Б  кантер загварын бага оврын ачааны автомашиныг согтуугаар жолоодож явахдаа эсрэг урсгалд орж, урдаас ирж явсан “Приус 30” загварын суудлын автомашиныг мөргөж, автомашиныхаа бүхээгт хавчуулагдсан  байсныг 17 минут ажиллан эсэн мэнд гаргажээ. Улмаар иргэнийг Гэмтэл согог судлалын үндэсний төвд хүлээлгэн өгсөн байна.