Дундговь аймгийн Дэрэн сумын газар нутагт дөрвөн магнитуд газар хөдөлжээ. Одоогоос долоо хоногийн өмнө тус аймгийн Өлзийт сумаас зүүн хойд зүгт 4.9 магнитуд газар хөдөлж, чичирхийлэл нь Улаанбаатарт мэдрэгдсэн юм. Харин өнөөдрийн газар хөдлөлтийн чичирхийлэл Дархан, Сэлэнгэ аймгийн газар нутагт мэдрэгджээ.

Газар хөдлөлтийн улмаас ямар нэгэн хохирол учираагүй талаар Онцгой байдлын Ерөнхий газарт мэдээлэл иржээ. Сүүлийн үед манай орны нутаг дэвсгэрт 5-6 магнитудын хүчтэй газар хөдлөлт олон давтамжтай болжээ. Энэ нь долоон магнитудын хүчтэй газар хөдлөх, эрсдэл үүсэх дохио болж магадгүйг  Одон орон, геофизикийн хүрээлэнгээс анхааруулсан байна.