УИХ-ын нэгдсэн чуулганы хуралдаанаар Төрийн албаны тухай хуульд нэмэлт өөрчлөлт оруулах тухай хуулийн төслийн анхны хэлэлцүүлгийг хэлэлцлээ. Энэ үеэр Төрийн албаны зөвлөлийн дарга Б.Баатарзориг "Орон нутагт төрийн захиргааны албан хаагчид, төрийн байгууллагуудын ажиллах нөхцөл туйлын хангалтгүй байгаа Сумын төвийн хамгийн муухан барилгыг сонгоод очиход захиргааны барилга байна. Төрийн захиргааны албан хаагчдын ажиллах нөхцөл, орчин үеийн тоног төхөөрөмжөөр хангагдсан байдал, хөрөнгө оруулалтын байдал хязгаарлагдмал байгаа. Энэ асуудлыг үе шаттайгаар шийдвэрлэх ажил эхэлж байгаа. Өнгөрсөн жил 417 байгууллагад төрийн албаны зөвлөлөөс хяналт, шалгалт хийсэн. 5803 төрийн албан хаагч хамрагдсан. 577 төрийн албан хаагч хууль бусаар томилогдсонтой холбоотойгоор төрийн албаны зөвлөлөөс ажлаас нь чөлөөлөх шийдвэр өгсөн. Энэ шийдвэр хэрэгжсэн" хэмээв.