Нийслэлийн Багануур дүүргийн хоёрдугаар хороо, автозамын хажууд автомашин унасан байна гэсэн дуудлага өчигдөр тус дүүргийн Гал түймэр унтраах, аврах 64 дүгээр ангид иржээ. Дуудлагын дагуу дүүргийн Гал түймэр унтраах, аврах 64 дүгээр ангийн алба хаагчид тухайн газарт очиход иргэн 50 настай Б, 56 настай А, 57 настай М нар  “Ниссан Н-200” загварын суудлын автомашинтай Багануур дүүргийн хоёрдугаар хорооны төв автозамын баруун талд унасан байжээ. Улмаар албан хаагчид  гурван иргэнийг автомашинаас гаргаж, мөн автомашиныг аюулгүй газарт татан гаргасан байна.