Автомашины эд ангид хавчуулагдсан хоёр иргэнийг эсэн мэнд гаргажээ.

      Тодруулбал, Төв аймгийн Баяндэлгэр сумын Тогосын хоолой багийн Дөтлүүр уруудах гэх газар зам тээврийн осол гарч хоёр хүн автомашины эд ангид хавчуулагдсан тусламж хэрэгтэй байна гэсэн дуудлага Багануур дүүргийн Онцгой байдлын хэлтэст өчигдөр иржээ. Дуудлагын дагуу  Багануур дүүргийн Онцгой байдлын хэлтсийн Гал түймэр унтраах, аврах 64 дүгээр ангийн алба хаагчдыг тухай газарт очиход “Приус-30” загварын автомашин, “Тоёота Камри” загварын автомашинтай мөргөлдөж, “Приус-30” загварын автомашин автозамын хажуу руу унаж иргэн 52 настай Г, 47 настай Д, нэг настай Э нар автомашины эд ангид хавчуулагдсан байсныг ажиллаж, эсэн мэнд гаргасан байна. Улмаар тэднийг Багануур дүүргийн Эрүүл мэндийн түргэн тусламжийн эмч, Төв аймгийн Эрдэнэ сумын Цагдаагийн хэсгийн тээврийн цагдаад тус тус хүлээлгэн өгчээ.