Монгол Улсын их сургуулийн оюутан Б.Ариунзаяаг энэ оны гуравдугаар сард бусдын толгой дээр халуун кофе асгаж, гэмт хэрэг үйлдсэнийх нь хариуд таслан сэргийлэх арга хэмжээ авч, хилээр гарахыг хязгаарлаад байсан юм. Тэгвэл тэрбээр уг хэргийг үйлдсэнээсээ хойш нэг сарын дараа архидан согтуурч, дахин бусдын биед халджээ.

        Тухайлбал, Б.Ариунзаяа энэ оны дөрөвдүгээр сард шөнийн цэнгээний газарт архидан согтуурсан үедээ “А” гэх эмэгтэйд шалтгаангүйгээр халдаж, танхайрсан байна. Харин түүний өмнө нь үйлдсэн хүний толгой дээр халуун кофе асгасан хэрэг эцэслэгдэж амжаагүй байхад давтан зөрчлийн хэрэг үйлджээ. Тэгвэл өнөөдөр буюу 11 дүгээр сарын 3-нд Сүхбаатар дүүргийн эрүүгийн хэргийн анхан шатны шүүхэд Б.Ариунзаяагийн танхайн хэргийг хэлэлцэхээр товолжээ.