Сүхбаатар дүүргийн есдүгээр хороонд байрлах "Цагаан байрны замын эсрэг талын Түц-т хоёр хүүхэд даарчихсан уйлж байна. Ээж нь архи уухаар явсан байна” гэх тайлбартай зураг олон нийтийн сүлжээгээр цацагдсан. Энэ талаар Чингэлтэй дүүргийн Гэр бүл, хүүхэд, залуучуудын газрын дарга Х.Азбаяраас тодрууллаа.

Тэрбээр “Олон нийтийн сүлжээнд цацагдсан зураг, мэдээллийн дагуу цагдаагийн байгууллагатай хамтарсан шалгалтын ажиллагаа үргэлжилж байгаа. Урьдчилсан байдлаар түргэн үйлчилгээний цэгт ажилладаг эмэгтэй хүүхдүүдийг нь харах хүнгүй учир ажлын байрандаа авчирсан гэсэн. Түүнийг ариун цэврийн өрөө рүү явсан хойгуур үл таних этгээд хүүхдүүдийнх нь нүцгэн зургийг олон нийтийн сүлжээнд оруулахдаа "Ээж нь архи уухаар явсан" гэх тайлбартай оруулсан байсан. Уг мэдээллийг олон нийтийн сүлжээнд байршуулсан этгээд ээж болон хүүхдүүдээс уучлалт гуйсан гэсэн. Бид түүнийг хүүхдүүдээ ямар шалтгааны улмаас ТҮЦ-тээ орхиж явсан болохыг үргэлжлүүлэн шалгана” гэлээ.