Бүгд Найрамдах Турк Улсын Соёл, аялал жуулчлалын сайд Мехмет Нури Эрсоё Монгол Улсад айлчилж байна. Соёлын сайд Ч.Номин Монгол Улсад ажлын айлчлал хийж буй Турк Улсын Соёл, аялал жуулчлалын сайд Мехмет Нури Эрсоё нар соёлын салбарын хамтын ажиллагааг өргөжүүлэх хүрээнд өнөөдөр уулзаж ярилцжээ. 

    Уулзалтын дүнд, талууд “Соёлын салбарт хамтран ажиллах тухай” Монгол Улсын Соёлын яам болон Бүгд Найрамдах Турк Улсын Соёл, аялал жуулчлалын яам хоорондын харилцан ойлголцлын санамж бичигт гарын үсэг зурлаа. Санамж бичиг байгуулснаар хоёр улсын соёл урлагийн байгууллагууд болох театр, музей, номын сан болон соёлын өвийг хадгалах, хамгаалах, сэргээн засварлах чиг үүрэг бүхий байгууллагуудын хамтын ажиллагааг харилцан дэмжихээр тохирчээ.