Дорноговь аймгийн Хатанбулаг сумын төвөөс баруун урд зүг 55км-т газарт 4.8 магнитудын хүчтэй хөдөлжээ. Газар хөдлөлт урд шөнө 22:34 цагт болсныг шинжлэх ухааны академийн одон орон, геофизикийн хүрээлэн мэдээлсэн юм.

       Үүссэн нөхцөл байдлын талаар Дорноговь аймгийн Хатанбулаг сумын Засаг дарга М.Эрдэнэболдоос тодруулахад “Хатанбулаг сумын Халив багийн нутагт буюу сумын төвөөс 55км-т 4.8 магнитуд газар хөдлөлт болсон. Үүний улмаас ямар нэгэн хохирол учраагүй. Харин Халив багийн малчдын гэрт чичирхийлэл мэдрэгдэж, нүргээн үүссэн. Мөн газар хөдлөлтийн чичирхийлэл сумын төвд бага зэрэг мэдрэгдсэн” гэв.