• Өнөөдөр 2024-03-29

ТЭЭВЭРЧИД: Тээврийн салбараа үгүй болгох хэмжээний хуулийн төсөл санаачилсанд эмзэглэж байна

2022-05-19,   315

  “Монгол тээврийн ирээдүй”, “Өмнөговь аймгийн авто тээвэрчдийн нэгдсэн холбоо” ТББ болон "Монгол тээвэр нэгдэл” ХХК хамтран нүүрсний тээврийн С зөвшөөрлийн талаар мэдээлэл хийлээ.

   Тээвэрчид Монгол Улсад нийт нүүрсний тээврийн 10 хүрэхгүй хувийг Монголын үндэсний компаниуд эзэлж байгааг хэвлэлийн хурлын  үеэр онцоллоо.

   Үүнтэй холбоотойгоор 2022 оны дөрөвдүгээр сарын 7-нд Хууль зүй, дотоод хэргийн сайд улс хоорондын байнгын ачаа тээвэрлэх С бичгийг олголтыг цаашид уурхай болон борлуулалтттай уялдуулж, нүүрс худалдан авагч талын саналын дагуу тээвэрлэгч байгууллага олгоно гэж мэдэгдсэн. Энэ дагуу авто тээврийн нэмэлт хуулийн төсөл боловсруулж байгаа юм байна. Энэ дагуу зарим тээврийн  компаны ажилтнууд байр сууриа илэрхийллээ.

 “Өмнөговь аймгийн авто тээвэрчдийн нэгдсэн холбоо” ТББ-ын тэргүүн Адьяасүрэн “Өнөөдөр Монгол Улсад авто тээврийн салбар эмзэг байдалд байна. Үндэсний эрх ашиг гэж зүйл энэ салбарт байхаа больжээ. Авто тээврийн үндэсний төв С зөвшөөрөл буюу олон улсын эрх олгодог. Үүнийг тойрсон маргаан, авлигал, хээл хахуулийн асуудал үүсдэг. Мөн Засгийн газар болон УИХ-д байнга энэ асуудал яригддаг. Үүний төлөө манай төрийн бус байгууллага, тээврийн аж ахуйн нэгжүүд Засгийн газарт “Авлигал, хээл хахуулиа болиоч” гэдэг шаардлагыг Засгийн газарт тавьж ирсэн. Гэтэл Засгийн газар үүнийг шийдэхийн оронд хуулинд нэг л заалт оруулж, хуулиа өөрчлөхөөр өргөн барьжээ. Тус хуульд, тээврийн салбар биш Сангийн яам, Уул уурхайн яамд С бичгийг худалдан авагч буюу Хятад талын саналыг үндэслэж олгоно гэсэн байна. Ингэснээр тээврийн салбараа үгүй болох хэмжээний хуулийн төсөл санаачлаад, өргөн барьж байгаад нь тээврийн аж ахуй нэгжүүд эмзэглэж байна” гэв. 


ТЭЭВЭРЧИД: Тээврийн салбараа үгүй болгох хэмжээний хуулийн төсөл санаачилсанд эмзэглэж байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188