Өнгөрсөн хоногт улсын хэмжээнд 286 иргэн коронавирусийн халдвараар өвчилсөн байна. Үүнээс Улаанбаатар хотод 149, орон нутагт 137 иргэн халдвар авсан байна. Ингэснээр нийт бүртгэгдсэн тохиолдлын тоо 386.100 болж нэмэгдлээ.

    Мөн хугацаанд коронавируст халдварын улмаас 61-ээс дээш насны хоёр хүн нас баржээ. Өнөөдрийн байдлаар тус халдварын улмаас нийтдээ 1955 хүн эндсэн байна. Одоогоор коронавируст халдварын улмаас улсын хэмжээнд 3626 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 7026 хүн Өрхийн эмчийн хяналт дор гэрээр эмчлүүлж байгаа аж. Эмнэлэгт хэвтэн эмчлүүлж буй иргэдийн биеийн байдлыг үнэлбэл, хөнгөн 1385, хүндэвтэр 1740, хүнд 430, маш хүнд 71 хүн байна.