Төрийн байгууллагуудтай Замын-Үүдэд суугаа Эрээний ерөнхий консултай хил дээр очиж ажиллаж, туршилт хийж үзсэн. Арваннэгдүгээр сарын 15-нд Эрээний талтай 20 хоногийн дотор бэлтгэлээ хангая гэж тохирсон. Тиймээс өчигдөр бэлтгэл хангагдсан эсэх талаар шалгалт хийсэн байна. Энэ талаар Гадаад харилцааны дэд сайд Б.Мөнхжин мэдээлэл өглөө. Тэрбээр “20 хоногийн бэлтгэл ажил хангагдсан байна. Маргаашаас хил нээгдэнэ. Маргааш вирус илрэхээс өмнөх Монголоос Эрээний талд гарсан байсан ачаатай автомашинуудыг гаргаж дуусгана. Түүний дараа чингэлэг тээврийн горимд шилжинэ” гэлээ.